Валнаваха

Валнаваха лац. Valnavacha
Населены пункт
Сьцяг Герб
Краіна	Украіна
Вобласьць	Данецкая
Раён	Валнаваскі
Дата заснаваньня	1881
Горад з	1938
Кіраўніцтва і ўлада
Мэр	Сяргей Дэмчанка
Геаграфія
Плошча	21 км²
Вышыня НУМ	271 м
Часавы пас	UTC+2 UTC+3 (летні час)
Каардынаты	47°35′52″ пн. ш. 37°29′01″ у. д.
Насельніцтва
Колькасьць	10 000 чал. (2023)
Лічбавыя ідэнтыфікатары
Тэлефонны код	6244
Паштовыя індэксы	85700
КОАТУУ	1421510100
Нумарны знак	AH
Узнагароды	Горад-герой Украіны (6 сакавіка 2022)
Сайт	volnovaha.net
Валнаваха на мапе Ўкраіны Валнаваха

Валнава́ха (па-ўкраінску: Волноваха)— места, што знаходзіцца ў Валнаваскім раёне Данецкае вобласьці Ўкраіны. Разьмешчанае на поўдні вобласьці на чыгунцы, места зьяўляецца чыгуначным вузлом Марыюпаль — Данецк і Запарожжа. Празь места праходзіць дарога, што злучае месты Славянск — Марыюпаль. Чыгункай ад Данецку да Валнавахі — 58 км, дарогай — 54 км. Насельніцтва ў месьце — 10 000 чалавек. Плошча места 20 км², 59 адсоткаў зь якіх забудавана. Горад-герой Украіны (2022).

Мінулае

Паселішча было заснаванае ў 1881 годзе як чыгуначны прыпынак. На пачатак XX стагодзьдзя ў Валнавасе было 45 двароў, жыло каля 250 чалавек. Да 1915 году было 108 двароў і 634 жыхары. У 1895 годзе быў пабудаваны вакзал, у 1896 годзе — паравозны загон, у 1900 годзе паміж местамі Данецк і Марыюпаль цераз Валнаваху пракладзены другі тор чыгункі. У 1905 годзе прыпынак стаў вузлавым.

Славутасьці

• Цэнтар нацыянальных культураў (вул. Арцёма)
• Цэнтар культуры і адпачынку (вул. Леніна)
• Валнаваская ЦРБ (вул. Матросава)
• Вялікаанадольскі лес
• Краязнаўчы музэй (вул. 1-га Траўня)

Літаратура

• Нестор Махно. Воспоминания. — М.: Республика, 1992.

Вонкавыя спасылкі

• Бачына места Валнаваха  (рас.)
• Інтэрнэт-выданьне пра Валнаваху  (укр.)
• Данецкая вобласьць у складзе УССР  (укр.)