Валеры Бачароў
| Валеры Бачароў | ||
| Пэрсанальная інфармацыя | ||
|---|---|---|
| Нарадзіўся | 10 жніўня 2000 (23 гады) | |
| Рост | 178 см | |
| Вага | 72 кг[1] | |
| Пазыцыя | паўабаронца | |
| Клюбная інфармацыя | ||
| Клюб | Урал | |
| Нумар | 3 | |
| Клюбы | ||
| Гады | Клюб | Гульні (галы)¹ |
| 2020—2023 | БАТЭ | 54 (3) |
| 2020 | → Смалявічы | 7 (0) |
| 2021 | → Слуцак | 24 (1) |
| 2024— | Урал | |
| Зборныя | ||
| 2021—2022 | Беларусь (да 21) | 8 (0) |
| 2022— | Беларусь | 13 (0) |
|
¹ Колькасьць гульняў і галоў за прафэсійны клюб лічыцца толькі | ||
Вале́ры Ю́р’евіч Бачаро́ў (нар. 10 жніўня 2000 году) — беларускі футбаліст, паўабаронца расейскага клюбу «Ўрал» і нацыянальнай зборнай Беларусі.
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Пачынаў займацца футболам у менскім «Дынама», яшчэ юнаком апынуўся ў складзе барысаўскага БАТЭ. У 2018 годзе пачаў выступаць за дубль клюбу, дзе неўзабаве замацаваўся ў пачатковым складзе. 29 жніўня 2020 году дэбютаваў у асноўнай камандзе БАТЭ ў матчы Кубка Беларусі супраць мікашэвіцкага «Граніта» (5:0), правёўшы на полі ўсе 90 хвілінаў матчу. У верасьні 2020 года выправіўся ў арэнду ў «Смалявічы»[2], дзе 18 верасьня 2020 году дэбютаваў у найвышэйшай лізе, правёўшы на поле ўсе 90 хвілінаў матчу супраць берасьцейскага «Руху» (0:6). У далейшым замацаваўся ў стартавым складзе каманды. У сьнежні 2020 году па сканчэньні арэнды пакінуў «Смалявічы»[3]. У пачатку 2021 году знаходзіўся на праглядзе ў «Віцебску», але беспасьпяхова. У лютым 2021 году на правах арэнды далучыўся да «Слуцка»[4]. Стаў адным з асноўных футбалістаў слуцкай каманды. У сьнежні 2021 году па сканчэньні арэнды пакінуў «Слуцак»[5].
У пачатку 2022 году пачаў рыхтавацца да новага сэзону з асноўнай камандай БАТЭ. У сакавіку 2022 года падоўжыў кантракт з барысаўчанамі да канца 2023 году[6]. У сэзоне 2022 году замацаваўся ў пачатковым складзе БАТЭ. У студзені 2024 году прыяднаўся да шыхтаў екацярынбурскага «Ўралу»[7].
Міжнародная[рэдагаваць | рэдагаваць крыніцу]
2 верасьня 2021 году дэбютаваў у моладзевай зборнай Беларусі, адгуляўшы ўсе 90 хвілінаў у адборачным матчы чэмпіянату Эўропы супраць моладзевай зборнай Ісьляндыі (1:2). 3 чэрвеня 2022 году ўпершыню згуляў за нацыянальную зборную Беларусі, калі выйшаў у пачатковым складзе ў матчы Лігі нацыяў УЭФА супраць зборнрай Славаччыны (0:1) і быў заменены ў другім тайме.
Крыніцы[рэдагаваць | рэдагаваць крыніцу]
- ^ а б в г https://fcbate.by/team/base/72
- ^ БАТЭ отдал Ковеля, Потапенко и Бочерова в аренду "Смолевичам" (рас.). Прессбол.
- ^ 10 футболистов покинули "Смолевичи" (рас.). Football.by.
- ^ Футбол. "Слуцк" арендовал двух футболистов БАТЭ (рас.). Прессбол.
- ^ Аренда завершена. (рас.). ФК Слуцак.
- ^ Бочеров подписал новое соглашение с БАТЭ (рас.). Football.by.
- ^ Бочеров присоединился к команде Гончаренко (рас.)
Вонкавыя спасылкі[рэдагаваць | рэдагаваць крыніцу]
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball