Бэн Шэлтан
| Бэн Шэлтан | |
_(52883150181).jpg) | |
| Краіна | |
|---|---|
| Нарадзіўся |
9 кастрычніка 2002 (23 гады) |
| Прызавыя грошы | 9 665 350 $[1] |
| Адзіночны разрад | |
| Матчаў | 108–72[1] |
| Тытулаў | 2 |
| Найвышэйшы рэйтынг | 12 (3 сакавіка 2025) |
| Турніры Вялікага шлему | |
| Аўстралія | паўфінал (2025) |
| Францыя | 3 раўнд (2024) |
| Ўімбэлдан | 4 раўнд (2024) |
| ЗША | паўфінал (2023) |
| Парны разрад | |
| Матчаў | 33–40[1] |
| Тытулаў | 0 |
| Найвышэйшы рэйтынг | 68 (20 траўня 2024) |
| Турніры Вялікага шлему ў пары | |
| Аўстралія | 1 раўнд (2024) |
| Францыя | 2 раўнд (2023) |
| Ўімбэлдан | 2 раўнд (2024) |
| ЗША | 2 раўнд (2022) |
| Бэн Шэлтан у Вікісховішчы | |
Бэн Шэ́лтан (па-ангельску: Ben Shelton; нар. 9 кастрычніка 2002 году) — амэрыканскі тэнісіст. Паходзіць з тэніснай сям’і, бо ягоны бацька Браян Шэлтан калісьці быў прафэсійным тэнісістам і трэнэрам[2]. Маці займалася тэнісам у юнацтве, а дзядзька Тод Ўіскен таксама быў тэнісістам.
Кар’ера
[рэдагаваць | рэдагаваць крыніцу]
Дэбютаваў у туры АТП на чэмпіянаце Атланты, атрымаўшы ўайлдкард. У першым раўндзе перамог Рамкумара Раманатана[3], але ў наступным матчы саступіў другому сеянаму Джону Ізнэру ў трох сэтах[4]. Ужо хутка маладзён згуляў на турніры мастэрз у Цынцынаці, дзе ў другім раўндзе сустрэўся зь пятай ракеткай сьвету нарвэжцам Каспэрам Руўдам. Сэнсацыйная перамога сталася першым посьпехам супраць тэнісістаў зь першай дзясятцы сусьветнага рэйтынгу[5]. 23 жніўня 2022 году Шэлтан абвесьціў, што ня вернецца ў каледж і стане прафэсіяналам[6][7], дэбютаваўшы на чэмпіянаце ЗША[8]. У канцы лістапада ўзьняўся ў сьпіс 100 найлепшых тэнісістаў сьвету.
На чэмпіянаце Аўстраліі 2023 году амэрыканец адразу прабіўся ў чвэрцьфінал, дзе саступіў суайчыньніку Томі Полу[9]. У выніку ён упершыню ў сваёй кар’еры ўзьняўся на 45 пазыцыяў у топ-50, заняўшы 44-е месца ў рэйтынгу[10]. На чэмпіянаце ЗША 2023 году Шэлтан прасунуўся да свайго першага паўфіналу турніру Вялікага шлема[11], дзе зазнаў паразу ад будучага чэмпіёна Новака Джокавіча. 11 верасьня 2023 году ён быў названы 19-й ракеткай сьвету[12]. Сваю першую перамогу ў турніры здабыў на чэмпіянаце Японіі, дзе перамог расейца Аслана Карацава.
У 2024 годзе спартовец стаў чэмпіёнам ЗША на грунтовых кортах, адолеўшы ў фінале аргентынца Тамаса Мартына Этчэвэры. У выніку 8 красавіка ён дасягнуў новага найвышэйшага ў кар’еры адзіночнага рэйтынгу, стаўшы 14-м у сьвеце, а 15 красавіка 2024 году стаў гульцом ЗША №1, апярэдзіўшы Тэйлара Фрыца[13]. Шэлтан стаў наймаладзешым амэрыканскім гульцом нумарам адзін з таго часу, як Эндзі Родык дасягнуў такога ж выніку ў сакавіку 2004 году[14]. На чэмпіянаце Аўстраліі 2025 году тэнісіст дакрочыў да паўфіналу, дзе саступіў італьянцу Яніку Сынэру ў трох сэтах[15][16]. На БМВ-Оўпэн 2025 году амэрыканец саступіў у фінале Аляксандру Зьвераву.
Крыніцы
[рэдагаваць | рэдагаваць крыніцу]- ^ а б в Association of Tennis Professionals website
- ^ «Touted Ben Shelton Signs with Florida Men’s Tennis». Florida Gators.
- ^ «Brooksby Breezes Past Paire In Atlanta». ATP Tour.
- ^ «Atlanta Open: Isner books spot in quarter-finals». TennisMajors.
- ^ «Ben Shelton keeps „moving in the right direction“ by knocking out Casper Ruud in Cincinnati». Tennis.com.
- ^ «Ben Shelton Turns Pro Ahead of US Open». ATP Tour.
- ^ «NCAA champ turns pro, accepts US Open invite». ESPN.
- ^ «Sudden Impact: Shelton Surging On Challenger Tour». ATP Tour.
- ^ «Ben Shelton Reaches The QFs At The Australian Open» ATP Tour.
- ^ «Tommy Paul Defeats Ben Shelton In All-American QF». ATP Tour.
- ^ «Showman Ben Shelton Finds His Biggest Stage Yet». ATP Tour.
- ^ «Ben Shelton Cracks Top 20, Mover of Week». ATP Tour.
- ^ «Shelton joins Connors, McEnroe as lefties to reach American No. 1». ATP Tour.
- ^ «Ben Shelton becomes new American No. 1». Reuters.
- ^ «Shelton safely through against Nakashima, into second round». Tennis Majors.
- ^ «Success takes toll on Monfils at Australian Open». Reuters.