Буяр Нішані

Буяр Нішані
па-альбанску: Bujar Nishani
выканаўца абавязкаў Парлямэнцкай асамблеі Рады Эўропы[d]
23 студзеня 2006 — 1 кастрычніка 2007
міністр унутраных спраў Албаніі[d]
20 сакавіка 2007 — 17 верасьня 2009
Наступнік	Lulzim Basha[d]
міністр юстыцыі Албаніі[d]
17 верасьня 2009 — 25 красавіка 2011
Папярэднік	Enkelejd Alibeaj[d]
Наступнік	Eduard Halimi[d]
міністр унутраных спраў Албаніі[d]
21 красавіка 2011 — 12 чэрвеня 2012
Папярэднік	Lulzim Basha[d]
Наступнік	Flamur Noka[d]
Прэзыдэнт Альбаніі
24 ліпеня 2012 — 24 ліпеня 2017
Папярэднік	Бамір Топі
Наступнік	Ілір Мэта
Асабістыя зьвесткі
Нарадзіўся	29 верасьня 1966(1966-09-29) Дурэс, Альбанія
Памёр	28 траўня 2022(2022-05-28) (55 гадоў) Бэрлін, Нямеччына
Партыя	Дэмакратычная партыя Альбаніі[d]
Адукацыя	Вайсковы ўнівэрсытэт «Скандэрбег»[d] Тыранскі ўнівэрсытэт Вайскова-марская пасьлядыплёмная школа[d]
Узнагароды
Подпіс

Буяр Фаік Нішані (па-альбанску: Bujar Faik Nishani; нар. 29 верасьня 1966, Дурэс) — альбанскі дзяржаўны дзеяч, прэзыдэнт Альбаніі з 24 ліпеня 2012 па 24 ліпеня 2017 году.

Біяграфія

У 1988 годзе скончыў вайсковую акадэмію ў Тыране. У 1991 годзе стаў сябрам Дэмакратычнай партыі Альбаніі. У сярэдзіне 90-х ён зьехаў у ЗША і ў 1996 годзе скончыў Унівэрсітэт у Сан-Антоніа (штат Тэхас). Пазьней быў пераведзены ў асьпірантуру аднаго з унівэрсытэтаў Каліфорніі, дзе ў 1997 годзе атрымаў уліковую ступень. У гэтым жа годзе вярнуўся ў Альбанію.

Пасьля паразы Дэмакратычнай Партыі на выбарах у Народны Сход у 1997 годзе, узначаліў няўрадавую арганізацыю Вайсковы эўраатлянтычны форум. У 2005 годзе атрымаў ступень магістра эўрапейскіх навук. У 2007 годзе стаў міністрам унутраных спраў Альбаніі. У 2009 годзе, калі Альбанія ўступіла ў НАТО, ён сышоў з МУС і стаў міністрам юстыцыі. У 2011 вярнуўся ў МУС і зноў стаў яго кіраўніком. Удзельнічаў у выбарах прэзыдэнта Альбаніі 2012 году і перамог на іх. 24 ліпеня 2012 году прыступіў да выкананьня абавязкаў.

9 кастрычніка 2014 Нішані ўзнагародзіў камуну Люфцінье — куды ўваходзяць вёскі, жыхары якіх прымалі ўдзел у антыкамуністычным Паўстаніне Жапакікі 1948 году — ордэнам "Гонар нацыі». Паўстанцаў ён назваў «бясстрашнымі і мудрымі людзьмі, што падняліся на абарону годнасьці і будучыні» (асабліва вылучыў Байрама Камбэры і Джэмаля Браха). Самому прэзыдэнту было нададзена званьне ганаровага грамадзяніна Люфцьнье.

24 лістапада 2014 году Нішані выдаў указ аб пасьмяротным узнагароджаньні ордэнам «Гонар нацыі» некалькіх антыкамуністычных палітыкаў, пакараных у 1945 годзе па прыгавору Спэцыяльнага суду (у тым ліку былога міністра ў калябаранцкім урадзе Колы Тромары).