Брацлаўскае ваяводзтва

	Брацлаўскае ваяводзтва
	Герб
Агульныя зьвесткі
Краіна	Вялікае Княства Літоўскае; Каралеўства Польскае
Статус	ваяводзтва Каралеўства Польскага[d] і ваяводзтва Вялікага Княства Літоўскага[d]
Адміністрацыйны цэнтар	Брацлаў
Дата ўтварэньня	1566
Дата скасаваньня	1793
Ваяводы	Ваяводы брацлаўскія
Кашталяны	Кашталяны брацлаўскія
Плошча	31 660 км²
Час існаваньня	1566—1795
Месцазнаходжаньне Брацлаўскага ваяводзтва
	Дадатковыя мультымэдыйныя матэрыялы

Брацлаўскае ваяводзтва^[a] — адміністрацыйна-тэрытарыяльная адзінка ў Вялікім Княстве Літоўскім (з 1569 року ў складзе Каралеўства Польскага). Сталіца — места Брацлаў.

Сымболіка

Герб ваяводзтва меў наступны выгляд: «на чырвоным крыжы блакітны дыск з залатым паўмесяцам».

Ваяводзкая харугва была шэрага колеру з выяваю Пагоні ў чырвоным полі^[1].

Гісторыя

Утварылася паводле адміністрацыйна-тэрытарыяльнай рэформы (1565—1566) на ўсходняй палове Падольскай зямлі (Ніжняе Падольле)^[1].

У 1569, згодна з умовамі Люблінскай уніі, апынулася пад уладай Каралеўства Польскага. У 1598 сталіцу ваяводзтва перанесьлі з Брацлава ў Віньніцу.

У выніку другога падзелу Рэчы Паспалітай (1793) тэрыторыя ваяводзтва апынулася ў складзе Расейскай імпэрыі.

Адміністрацыйна-тэрытарыяльны падзел

Падзялялася на два паветы: Віньніцкі і Брацлаўскі (апошні сладаўся зь дзьвюх частак уласна Брацлаўскай i Зьвянігарадзкай). У канцы XVIII ст. вылучыліся Набускі (цэнтар — Гранаў) і Зьвянігарадзкі паветы^[1].

Ваяводзкі соймік праходзіў у Віньніцы. Мясцовая шляхта абірала шасьцёх паслоў на Вальны сойм.

Ураднікі

У Сэнаце Рэчы Паспалітай Падляскае ваяводзтва мела двух прадстаўнікоў — ваяводу і кашталяна.

Дадатковыя зьвесткі

На тэрыторыі Брацлаўскага ваяводзтва нарадзіўся Міхал Дастаеўскі, адзін з сыноў брацлаўскага протаярэя, што пераехаў сюды з Дастоева — бацька пісьменьніка Фёдара Дастаеўскага.^[2]

Заўвагі

↑ ст.-бел. Воеводство Брацлавское; лац. Palatinatus Braclaviensis, польск. Województwo bracławskie

Крыніцы

1 2 3 Валерый Пазднякоў. Брацлаўскае ваяводства // ВКЛ. Энцыкл. — Мн.: 2005 Т. 1. С. 347.
↑ Лідзія Кулажанка, Адам Мальдзіс, Святлана Сачанка. Літаратурныя мясціны Беларусі // «Маладосць» № 648, 2007. С. 121 .

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4

[1] ст.-бел. Воеводство Брацлавское; лац. Palatinatus Braclaviensis, польск. Województwo bracławskie

[evkl-2] 1 2 3 Валерый Пазднякоў. Брацлаўскае ваяводства // ВКЛ. Энцыкл. — Мн.: 2005 Т. 1. С. 347.

[3] Лідзія Кулажанка, Адам Мальдзіс, Святлана Сачанка. Літаратурныя мясціны Беларусі // «Маладосць» № 648, 2007. С. 121 .

[kniastva-4] Адміністрацыйныя адзінкі, што выступаюць у крыніцах з назвай княства, без уліку фэўдальных вотчынаў з той жа назвай

[lublin-5] 1 2 3 4 Перайшло ў склад Польшчы перад складаньнем Люблінскай уніі

[zamojc-6] 1 2 Фактычна роўная ваяводзтву

[7] Супольнае падпарадкаваньне Вялікаму Княству Літоўскаму і Каралеўству Польскаму

[a]

[1]

[2]

[i]

[ii]

[iii]

[iv]