Беларуская транскрыпцыя кітайскай мовы

Беларуская транскрыпцыя кітайскай мовы (кіт. спрошч. 白俄罗斯式拼音, кіт. падан. 白俄羅斯式拼音, піньінь bái'èluósī shì pīnyīn) — спроба перадаць гукі стандартнае кітайскае мовы (путунхўа ці мандарынская мова) як мага бліжэй да першаўзору з дапамогаю беларускага альфабэту. Мае падставаю расейскамоўную сыстэму Палядыя, з улікам асаблівасьцяў фанэтыкі ды гуказлучэньняў беларускае мовы. У 2009 годзе беларускую кірылічную транскрыпцыю кітайскіх герогліфаў распрацавалі выкладнікі філялягічнага факультэту БДУ на чале з Тацянай Смольскай, якую выдалі ў складзе слоўніка «Кітайска-беларускі бізнэс-дыялёг».

Пачатнікі

Паўтлустыя літары вызначаюць перадачу складу беларускім пісьмом, а знакі ў дужках — сымбаль у Міжнародным фанэтычным альфабэце.

		Двугубны		Зубнагубны	Пухірыкавы		Адваротнагнуты		Пухіркава-паднябенны	Мяккападнябенны
		Глухі	Звонкі	Глухі	Глухі	Звонкі	Глухі	Звонкі	Глухі	Глухі
Насавы			м [m]			н [n]
Выбухны	Непрыдыхальны	б [p]			д [t]1					ґ [k]
	Прыдыхальны	п [pʰ]			т [tʰ]²					к [kʰ]
Прытрывальны	Непрыдыхальны				з [ts]		дж [ʈʂ]		дзь [tɕ]
	Прыдыхальны				ц [tsʰ]		ч [ʈʂʰ]		ць [tɕʰ]
Трывальны				ф [f]	с [s]		ш [ʂ]	ж [ʐ~ɻ]	сь [ɕ]	х [x]
Бочны						л [l]
Дасяжны		й [j]/[ɥ] ды ў [w]

¹ di, dia, dian, diang, diao, die, ding, diu перадаюцца па-беларуску адпаведна як ды, д’я, д’янь, д’ян, д’яў, д’е, дын, д’ю
² ti, tian, tiang, tiao, tie, ting перадаюцца па-беларуску адпаведна як ты, т’янь, т’ян, т’яў, т’е, тын.

Канчатнікі

Канчатнік	Асяродак	/a/					/ə/					∅
	Выглас	∅	/i/	/u/	/n/	/ŋ/	∅	/i/	/u/	/n/	/ŋ/
Міжнік	∅	[ä] a -а	[aɪ̯] ай -ай	[ɑʊ̯] аў -аў	[än] ань -ань	[ɑŋ] ан -ан	[ɯ̯ʌ] э -э	[eɪ̯] эй -эй	[oʊ̯] оў -оў	[ən] энь -энь	[ɤŋ] эн -эн	[ɨ] -ы
	/i/	[i̯ä] я -я		[i̯ɑʊ̯] яў -яў	[i̯ɛn] янь -янь	[i̯ɑŋ] ян -ян	[i̯ɛ] е -е		[i̯oʊ̯] ёў -ёў	[in] інь -інь	[iŋ] ін -ін	[i] і -і, -ы
	/u/	[u̯ä] ўа -ua	[u̯aɪ̯] ўай -ўай		[u̯än] ўань -ўань	[u̯ɑŋ] ўан -ван	[u̯ɔ] ўо -о	[u̯eɪ̯] ўэй -ўэй		[u̯ən] ўэнь -унь	[u̯ɤŋ], [ʊŋ] ўэн -ун	[u] ўу -у
	/y/				[y̯ɛn] юань -юань		[y̯œ] юэ -юэ			[yn] юнь -юнь	[i̯ʊŋ] юн -юн	[y] ю -юй

Практычныя прыклады

• 毛澤東 = піньінь Mao Zedong, бел. Маў Зэдун (Мао Цзэдун)
• 北京 = піньінь Beijing, бел. Бэйдзін (Пэкін)
• 人民日報 = піньінь Renmin Ribao, бел. Жэньмінь Жыбаў (уплывовая кітайская газэта)
• 黃河 = піньінь Huang He, бел. Хўанхэ (Хуанхэ)
• 蔣介石 = піньінь Jiang Jieshi, бел. Дзян Дзешы (Чан Кайшы, паводле паўночнае вымовы)
• 白俄羅斯 = піньінь Baeiluosi, бел. Баэйлосы (Беларусь)
• 天安門廣場 = піньінь Tian’anmen Guangchang, бел. Т’яньаньмэнь Ґўанчан (Плошча Цяньаньмэнь)
• 孔子 = піньінь Kongzi, бел. Кунзы (Канфуцый)
• 中華人民共和國 = піньінь Zhonghua Renmin Gongheguo, бел. Джунхўа Жэньмінь Ґунхэґо (Кітайская народная рэспубліка)
• 三國演義 = піньінь Sanguo Yanyi, бел. Саньґо Яньі («Тры дзяржавы», клясычны кітайскі раман)
• 紅樓夢 = піньінь Hongloumeng, бел. Хунлоўмэн («Сон у чырвоным цераме», клясычны кітайскі раман)