Баія Салвадор
| Баія | |
 | |
| Поўная назва | Esporte Clube Bahia |
|---|---|
| Заснаваны | 1 студзеня 1931 |
| Горад | Салвадор, Бразылія |
| Стадыён | Фонтэ-Нова Умяшчальнасьць: 50 025 |
| Прэзыдэнт | Гільермэ Бэлінтані[d] |
| Кіраўнік | Abu Dhabi United Group[d][1] |
| Галоўны трэнэр | |
| Чэмпіянат | Сэрыя А |
| · 2025 | 7 месца |
 Галерэя здымкаў у Вікісховішчыesporteclubebahia.com.br (парт.) | |
«Баі́я» (па-партугальску: Esporte Clube Bahia) — бразыльскі футбольны клюб з гораду Салвадор. Каманда мае мянушку «Стальная дружына». У сьнежні 2022 года было абвешчана, што «Сіці Футбол Груп», то бок даччыная кампанія «Абу-Дабі Юнайтэд Груп», набыла кантрольны пакет акцыяў «Баіі» пасьля таго, як паглынаньне было ўхваленае на галасаваньні паміж сябрамі клюбу[3][4]. Набыцьцё было завершанае ў траўні 2023 году, калі афіцыйна было набыта 90% акцыяў клюбу[5][6][7]. Хатняя форма клюбу складаецца зь белых кашуляў зь сінімі шортамі і чырвонымі шкарпэткамі. Галоўным супернікам каманды зважаецца «Віторыя», а іхняе супрацьстаяньне вядомае як «Ба-Ві».
Гісторыя
[рэдагаваць | рэдагаваць код]Спартовы клюб Баіі быў заснаваны ў новы год 1931 году, калі гульцы двух асобных клюбаў пастанавілі аб’яднацца. Даволі хутка «Баія» стаў адным з самых папулярных клюбаў на паўночным усходзе Бразыліі. У першы год існаваньня «Баія» здабыла перамогу турніру Інісію і чэмпіянат штату Баія.
Паміж 1959 і 1963 гадамі, а таксама ў 1968 годзе клюб быў прадстаўніком штату ў Кубку Бразыліі, які быў папярэднікам чэмпіянату Бразыліі. У 1959 годзе каманда была наймацнейшай у гэтым турніры, а ў 1961 і 1963 гадах футбалісты дружыны былі другімі. 1980-я гады былі найлепшымі ў гісторыі «Баіі». Каманда ў другі раз стала нацыянальным чэмпіёнам у 1988 годзе. Чэмпіёнства дало «Баіі» права згуляць у Кубку Лібэртадорэс у трэці раз. У 1990 годзе каманда спынілася на чацьвертым радку айчыннага першынства. У 1997 годзе «Баія» ўпершыню ў сваёй гісторыі вылецела ў Сэрыю Б пасьля нічыі 0:0 супраць «Жувэнтудзі» на ўласным стадыёне. У 1999 годзе каманда была блізкая да таго, каб зноў вярнуцца ў Сэрыю А. «Баія» згуляла вельмі добры сэзон, але заняла толькі 3-е месца, чаго было недастаткова дзеля павышэньня. У 2000 годзе праз скандалы з хабарніцтвам, павязаных з такімі клюбамі, як то «Сан-Паўлу» і «Інтэрнасьёнал», каманда вярнулася ў найвышэйшы дывізіён. Разам з «Баіяй» у галоўны дывізіён вярнуўся «Флумінэнсі».
У 2002 годзе банк, які спансаваў каманду, збанкрутаваў, і «Баія» пачала спускацца ўніз у бразыльскай футбольнай пірамідзе. Пасьля перамогі ў Кубку Паўночнага Ўсходу ў 2001 і 2002 гадах «Баія» дрэнна выступіла ў 2003 годзе і ў другі раз у гісторыі клюбу страціла месца ў Сэрыі А. У 2004 годзе каманда была блізкая да таго, каб зноў прабіцца ў Сэрыю A, заняўшы толькі 4-ы радок. Паводле вынікаў сэзону 2005 году клюб нават вылецеў у Сэрыю С.
Дасягненьні
[рэдагаваць | рэдагаваць код]- 1959, 1988
- 1931, 1933, 1934, 1936, 1938 (I), 1940, 1944, 1945, 1947, 1948,
- 1949, 1950, 1952, 1954, 1956, 1958, 1959, 1960, 1961, 1962,
- 1967, 1970, 1971, 1973, 1974, 1975, 1976, 1977, 1978, 1979,
- 1981, 1982, 1983, 1984, 1986, 1987, 1988, 1991, 1993, 1994,
- 1998, 1999, 2001, 2012, 2014, 2015, 2018, 2019, 2020, 2023,
- 2025, 2026
Склад
[рэдагаваць | рэдагаваць код]- Актуальны на 23 лютага 2026 году
|
|
Крыніцы
[рэдагаваць | рэдагаваць код]- ↑ https://web.archive.org/web/20230504170241/https://www.esporteclubebahia.com.br/agora-e-oficial-4/
- ↑ https://www.transfermarkt.us/-/mitarbeiterhistorie/verein/10010
- ↑ «Nota Oficial». Esporte Clube Bahia.
- ↑ «Sócios do Bahia aprovam a venda de 90% da SAF ao Grupo City». GE.
- ↑ Alencar, Mauricio (4.05.2023). «Man City’s parent group buys Brazilian side EC Bahia for £158m». The Athletic.
- ↑ Machaddo, Rafael (4.05.2023). «Agora é oficial! — Notícias Esporte Clube Bahia». Esporte Clube Bahia
- ↑ Carneiro, Raphael; Melo, Ruan; Lemos, Tiago (4.05.2023). «Bahia conclui venda da SAF para o City, e CEO garante: „Vai ser o segundo maior clube do grupo“». GE.