Баяры (Мядзельскі сельсавет)
| Баяры | |
| трансьліт. Bajary | |
| Краіна: | Беларусь |
| Вобласьць: | Менская |
| Раён: | Мядзельскі |
| Сельсавет: | Мядзельскі |
| Насельніцтва: | 360 чал. (2010) |
| Часавы пас: | UTC+3 |
| Тэлефонны код: | +375 1797 |
| Паштовы індэкс: | 222399 |
| СААТА: | 6240831026 |
| Нумарны знак: | 5 |
| Геаграфічныя каардынаты: | 54°54′13.00″ пн. ш. 26°55′41.99″ у. д. / 54.9036111° пн. ш. 26.9283306° у. д.Каардынаты: 54°54′13.00″ пн. ш. 26°55′41.99″ у. д. / 54.9036111° пн. ш. 26.9283306° у. д. |
Баяры на мапе Беларусі ±   Баяры | |
Бая́ры[1] — вёска ў Мядзельскім раёне Менскай вобласьці, уваходзіць у склад Мядзельскага сельсавету.
Гісторыя
[рэдагаваць | рэдагаваць крыніцу]- 1848 год — зьяўляліся вёскай Мядзельскай воласьці Вялейскага павету Віленскай губэрні. Вёска налічвала 11 двароў і 105 жыхароў.
- 1904 год — на месцы цяперашняй вёскі знаходзілася вёска, колькасьць насельніцтва якой складала 241 жыхара, і 2 засьценкі — Баяры і Верачата (па 39 і 6 жыхароў адпаведна), якія зьяўляліся ўладаньнямі Асановіча і Махніста.
- 1921 год — знаходзіцца ў складзе Мядзельскай гміны Дунілавіцкага павету (з 1925 году — Пастаўскага) Віленскага ваяводзтва. Вёска налічвала 55 двароў і 255 жыхароў.
- У 1936 годзе ў вёсцы дзейнічала ячэйка КПЗБ колькасьцю ў 5 чалавек.
- З 12 кастрычніка 1940 году да 16 ліпеня 1954 году вёска зьяўлялася цэнтрам Баярскага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай).
- Падчас Вялікай Айчыннай вайны загінулі 76 жыхароў вёсак калгасу «Ленінскі шлях» (18 вёсак). У 1972 годзе на ўшанаваньне іх памяці каля Дома культуры была ўсталяваная стэла.
- 1948 год — арганізаваны калгас імя Варашылава.
- 1949 год — пабудаваная хата-чытальня.
- 1952 год — зьявіўся радыёвузел на 100 радыёкропак.
- 20 студзеня 1960 году вёска ўвайшла ў склад Менскай вобласьці.
- З 11 лютага 1960 году вёска зьяўляецца цэнтрам калгасу «Ленінскі шлях» (да 20 лістапада 1961 году — калгас «Сталінскі шлях»).
Насельніцтва
[рэдагаваць | рэдагаваць крыніцу]- 2010 год — 360 жыхароў
- 1999 год — 408 жыхароў
- 1 студзеня 1997 году — 137 двароў, 339 жыхароў
Інфраструктура
[рэдагаваць | рэдагаваць крыніцу]У вёсцы працуюць Дом культуры, бібліятэка, аддзяленьне сувязі, фэльчарска-акушэрскі пункт, пачатковая школа, крама, лазьня, 2 жывёлагадоўчыя фэрмы, майстэрня па рамонце сельскагаспадарчага інвэнтару, зерняток.
Крыніцы
[рэдагаваць | рэдагаваць крыніцу]- ^ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu) С. 337
Літаратура
[рэдагаваць | рэдагаваць крыніцу]- Памяць: Гіст.-дакум. хроніка Мядзельскага р-на. — Мн.: БелЭн, 1998. — 635, [3] с. ISBN 985-11-0107-9.
- Bojary, wieś, powiat wilejski, gmina Miadzioł // — S. 188