Барыс Сьцяпанаў (фізык)

Барыс Сьцяпанаў
	Барыс Сьцяпанаў
	Борис Иванович Степанов
Дата нараджэньня	28 красавіка 1913
Месца нараджэньня	Санкт-Пецярбург, Расейская імпэрыя;
Дата сьмерці	7 сьнежня 1987 (74 гады)
Месца сьмерці	Менск, БССР, СССР;
Месца вучобы	СПДУ
Занятак	фізык
Навуковая сфэра	фізыка
Месца працы	Дзяржаўны аптычны інстытут; Інстытут фізыкі АН БССР; БДУ;
Вядомы як	адзін з заснавальнікаў беларускай фізычнай школы
Навуковая ступень	доктар фізыка-матэматычных навук[d]
Вучні	* Павал Апанасевіч Анатоль Рубінаў; Віктар Грыбкоўскі; Аляксандар Рубанаў; Сяргей Кілін ;

Вікіпэдыя мае артыкулы пра іншых асобаў з прозьвішчам Сьцяпанаў.

Бары́с Іва́навіч Сьцяпа́наў (28 красавіка 1913, Санкт-Пецярбург, Расейская імпэрыя — 7 сьнежня 1987, Менск, БССР) — беларускі фізык, акадэмік АН БССР (1953)^[1]. Доктар фізыка-матэматычных навук (1949).

Біяграфія[рэдагаваць | рэдагаваць крыніцу]

Барыс Сьцяпанаў нарадзіўся 28 красавіка 1913 году ў Санкт-Пецярбургу. Бацька быў працоўным^[2]. У 1936 годзе скончыў Ленінградзкі ўнівэрсытэт (сёньняшняя назва Санкт-Пецярбурскі дзяржаўны ўнівэрсытэт). Яшчэ падчас студэнцтва ў 1934 годзе пачаў працаваць лябарантам у Дзяржаўным аптычным інстытуце (Санкт-Пецярбург). У 1939 годзе абараняе кандыдацкую дысэртацыю. У 1939 годзе ўступіў у КПСС. Удзельнічаў у Другой Сусьветнай вайне. У 1953 годзе па прапанове Прэзыдыюму АН БССР Барыс Сьцяпанаў абіраецца акадэмікам беларускай Акадэміі навук і пераяжджае ў Менск. Ад 1953 да 1978 году быў загадчыкам катэдры фізычнай оптыкі БДУ. У 1971—1986 дэпутат Вярхоўнага Савету БССР. Дасьледаваў спэктраскапію, люмінесцэнцыю, квантавую электроніку. Разьвіў тэорыю анамалій у спэктрах двухатамных малекул. Прапанаваў зручныя набліжаныя мэтады разьліку вагальных спэктраў складаных арганічных малекул. Пабудаваў квантавамэханічную тэорыю люмінесцэнцыі складаных малекул. Аўтар больш як 350 навуковых прац, у тым ліку 9 манаграфій. Падрыхтаваў 11 дактароў навук, 45 кандыдатаў навук. У 1988 годзе Інстытут фізыкі НАН Беларусі названы ў гонар Барыса Сьцяпанава.

Узнагароды[рэдагаваць | рэдагаваць крыніцу]

Герой сацыялістычнай працы (1973)^[3].
Дзяржаўная прэмія СССР (1950, за кнігу «Ваганьні малекул», напісаную сумесна з М. У. Валькенштэйнам и М. Ельяшэвічам)
Дзяржаўная прэмія СССР (1972, за цыкль работ па дасьледаваньні зьявы аптычнай генэрацыі ў рашчынах складаных арганічных злучэньняў і стварэньні на іх аснове новага тыпу лазэраў са зь пераладжваемай частатой выпраменьваньня ў шырокой вобласьці спэктру)
Дзяржаўная прэмія СССР (1982, за цыкль работ «Фізычныя асновы дынамічнай галяграфіі і новыя мэтады ператварэньня прасторавай структуры сьветлавых пучкоў»)
Дзяржаўная прэмія БССР (1976, за распрацоўку мэтадаў разьліку энэргетычных і часавых характарыстык цьвёрдацельных лазэраў)
Заслужаны дзяяч навукі БССР (1967)
Ордэн Леніна (1973)
Ордэн Кастрычніцкай рэвалюцыі (1971)
Ордэн Працоўнага Чырвонага Сьцяга СССР (1961, 1983)
Ордэн Сяброўства народаў (1979)
Ордэн Знак Пашаны (1952)
Залаты мэдаль ім. С. І. Вавілава Акадэміі навук СССР (1967)

Крыніцы[рэдагаваць | рэдагаваць крыніцу]

^ Акадэмік Сцяпанаў Барыс Іванавіч^(рас.) НАН Беларусі
^ Килин С. Я. (2012) Академик Борис Иванович Степанов (к столетию со дня рождения)^(рас.)
^ Борис Иванович Степанов (К 90-летию со дня рождения) // Весці Нацыянальнай акадэміі навук Беларусі. Серыя фізіка-матэматычных навук. — 2003. — № 2. — С. 121-123.

	Дзеля паляпшэньня артыкулу неабходна: дадаць інфармацыю. дадаць спасылкі і крыніцы.

[1] Акадэмік Сцяпанаў Барыс Іванавіч^(рас.) НАН Беларусі

[2] Килин С. Я. (2012) Академик Борис Иванович Степанов (к столетию со дня рождения)^(рас.)

[3] Борис Иванович Степанов (К 90-летию со дня рождения) // Весці Нацыянальнай акадэміі навук Беларусі. Серыя фізіка-матэматычных навук. — 2003. — № 2. — С. 121-123.

[1]

[2]

[3]