Барыс Карлаф

Барыс Карлаф
	Барыс Карлаф
	William Henry Pratt
	Барыс Карлаф у ролі страхоцьця Франкенштэйна ў фільме Нявеста Франкенштэйна
Імя пры нараджэньні	William Henry Pratt
Дата нараджэньня	23 лістапада 1887
Месца нараджэньня	Кэмбэрўэл, Лёндан, Ангельшчына
Дата сьмерці	2 лютага 1969 (81 год)
Месца сьмерці	Мідхёрст, Сасэкс, Ангельшчына
Прычына сьмерці	пнэўманія
Грамадзянства	Вялікабрытанія
Месца вучобы	Кінгс-каледж[d]; школа Апінгхэм[d]; Enfield Grammar School[d];
Занятак	актор
Гады дзейнасьці	1909—1969
Псэўданімы	Boris Karloff
Бацька	Edward John Pratt[d]
Маці	Eliza Sarah Millard[d]
Узнагароды	зорка на галівудзкай «Алеі славы»[d]
IMDb	ID nm0000472
Сайт	Karloff.com
	Барыс Карлаф у Вікісховішчы

Бары́с Ка́рлаф (па-ангельску: Boris Karloff, 23 лістапада 1887 - 2 лютага 1969) — ангельскі актор, які эміграваў у Канаду ў 1910-х.

Біяграфія[рэдагаваць | рэдагаваць крыніцу]

Ўільям Генры Прат, вядомы як Барыс Карлаф, нарадзіўся ў прыгарадзе Лёндана Кэмбэрўэле. Скончыў Лёнданскі ўнівэрсытэт. У 1909 годзе ён, хоць і жадаў стаць дыпляматам, эміграваў у Канаду, дзе наняўся працоўным на фэрму. Захапіўшыся тэатрам, ён далучаўся то да адной гастрольнай трупы, то да іншай і ў наступнае дзесяцігодзьдзе аб'езьдзіў усю Канаду і Амэрыку, гуляючы ў дробных ролях другога пляну. На вялікім экране Ўільям Прат дэбютаваў у эпізадычнай ролі ў фільме «The Dumb Girl of Portici» (1916). Праз тры гады ён вярнуўся ў Галівуд і пачаў актыўна здымацца ў кіно. Хоць першы посьпех прыйшоў да яго пасьля фільма «Крымінальны код» ён згуляў больш 60 эпізадычных роляў, перш чым у 1931 годзе праславіўся ў ролі Страхоцьця ў фільме «Франкенштэйн». У далейшым здымаўся ў шматлікіх прыгодніцкіх стужках і фільмах жахаў, як правіла, у аднатыпных ролях злыдняў. Акрамя таго, актор стварыў і псыхалягічна складаныя вобразы ў фільме Джона Форда «Страчаны патруль» (1934) і ў рэжысэрскім дэбюце Пітэра Багдановіча «Мішэні» (1968).