Бабруйскі завод трактарных дэталяў і агрэгатаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Бабруйскі завод трактарных дэталяў і агрэгатаў
Тып урадавае прадпрыемства
Заснаваная жнівень 1945
Разьмяшчэньне Бабруйск, Магілёўская вобласьць
Ключавыя фігуры Аляксандар Аграновіч
Галіна машынабудаваньне
Прадукцыя апрысквальнік, барана, бульбакапальнік, касілка, трактар
Лік супрацоўнікаў 3,5 тыс. (2012)[1]
Матчына кампанія Менскі трактарны завод

Бабру́йскі заво́д тра́ктарных дэта́ляў і агрэга́таў (БЗТДА) — адно з найбуйнейшых прадпрыемстваў Бабруйску, што месьціцца на вуліцы Бахарава, д. 225. На 2013 год меў 5 сумесных зборачных прадпрыемстваў у Расеі (Новаперсіянаўка, Кастрычніцкі раён, Растоўская вобласьць; Рубцоўск, Алтайскі край; Пецярбург; Стэрлітамак, Башкартастан) і Славаччыне (Блатна па Астрове, раён Дунайска-Стрэда, Трнаўскі край). Валодаў 15 гандлёвымі прадстаўніцтвамі ў Беларусі: вёска Вароны (Віцебскі раён), Гомель, Ліда (Гарадзенская вобласьць), Магілёў, Менск і Слуцак (Менская вобласьць). Таксама меў 77 замежных гандлёвых прадстаўніцтваў у 30 краінах Азіі, Паўночнай Амэрыкі і Эўропы.

Гісторыя[рэдагаваць | рэдагаваць крыніцу]

Завод узьнік у 1945 годзе як міжраённая майстэрня капітальнага рамонту. У 1970 годзе яна відазьмянілася, перапрафіляфалася й атрымала сёньняшні назоў. У тым самым годзе завод увайшоў у вытворчае аб’яднаньне «Менскі трактарны завод». Сёньня БЗТДіА ёсьць буйнейшым прадпрыемствам Рэспублікі Беларусь, што выпускае запасныя часткі й камплектанты да трактараў «Беларусь».

Прадукцыя[рэдагаваць | рэдагаваць крыніцу]

На заводзе вырабляюцца дыскі счапленьня, раздатачныя каробкі, прамежкавыя апірышчы, гідраўзмацняльнікі, рукавы высокага ціску, дыскавыя колы, паваротныя цапфы, сілавыя валы, трактарныя крэслы, валы адбору моцы, паліваправоды й камплектанты да іх.

Партнэры[рэдагаваць | рэдагаваць крыніцу]

Доўгі час супрацоўнічае з Расеяй, Украінай, Малдовай, краінамі Прыбалтыкі, Польшчай, Сэрбіяй, Вугоршчынай, Баўгарыяй, Турэччынай, Пакістанам, Эгіптам, Гішпаніяй, Віетнамам, ЗША.

Узнагароды[рэдагаваць | рэдагаваць крыніцу]

Завод узнагарооджаны прызамі «Nike» і «Golden standart-2002», міжнароднае праграмы «Партнэрства дзеля прагрэсу». Прадукцыя заводу неаднаразова адзначалася дыплёмамі расейскіх і міжнародных выставаў за сваю якасьць і ўзнагароджаная залатымі мэдалямі ў намінацыі «За высокую якасьць прадукцыі, што выпускаецца» й «Найлепшая прадукцыя для аграпрамысловага комплексу».

Крыніцы[рэдагаваць | рэдагаваць крыніцу]

  1. ^ Васіль Кулікоў. Мат замест дыялёга // Тут і цяпер, 10 лiпеня 2012 г. Праверана 15 жніўня 2013 г.

Літаратура[рэдагаваць | рэдагаваць крыніцу]

  • Брашура: Республиканскаое унитарное предприятие «Бобруйский завод тракторных деталей и агрегатов»: запасные части к тракторам МТЗ/«Bobruisk plant of tractor parts and units»: spare parts and units for the tractors «Belarus»

Вонкавыя спасылкі[рэдагаваць | рэдагаваць крыніцу]