Зэніт Санкт-Пецярбург (баскетбольны клюб)
| Зэніт | |
 | |
| Заснаваны | 2014 |
|---|---|
| Месцазнаходжаньне | Санкт-Пецярбург, Расея |
| Арэна | КСК-Арэна Зьмяшчальнасьць: 7120 |
| Галоўны трэнэр | Хавіер Паскуаль, Aleksander Sekulić |
| Чэмпіянат | Адзіная ліга ВТБ |
| Форма | |
| Клюбныя колеры | |
|
| |
| Спасылкі | |
| Афіцыйная бачына | |
 Галерэя здымкаў у Вікісховішчы | |
«Зэні́т» (па-расейску: Зенит) — расейскі баскетбольны клюб з Санкт-Пецярбургу. Створаны ў 2014 годзе. Выступае ў Адзінай лізе ВТБ.
Гісторыя
[рэдагаваць | рэдагаваць код]Баскетбольная каманда была арганізаваная ўлетку 2014 году як сэкцыя ў структуры футбольнага клюбу «Зэніт».
_-_3.jpg)
Клюб адразу трапіў у Адзіную лігу ВТБ, дзе фінішаваў на чацьвертым радку ў рэгулярным сэзоне. У плэй-оф каманда была вымушаная спыніць свой шлях у 1/4 фінале, саступіўшы клюбу «Ніжні Ноўгарад». Перад пачаткам новагга сэзону ў сярэдзіне 2015 году каманды абнавіла больш чым за палову складу. «Зэніт» пачаў спартовы год 11-матчавай пераможнай сэрыяй, здабыўшы шэсьць перамог у Адзінай лізе ВТБ і 5 перамог у Эўракубках, але далейшыя траўмы капітана[1] і лідэраў каманды[2] прывялі на страты пазыцыяў. Рэгулярны сэзон у лізе быў для сіне-бела-блакітных даволі пасьпяхова, бо ім удалося вярнуць сабе трэці радок у турнірнай табліцы, згодна зь якой супернікам у першым раўндзе плэй-оф стаў «Аўтадор». З саратаўскім клюбам сэрыя скончылася зь лікам 3:0 на карысьць каманды з Санкт-Пецярбургу. Паўфінальная сэрыя з УНІКСам, як аказалася пазьней, вызначала будучага ўдзельніка Эўралігі. Лёс сэрыі вырашыўся ў апошняй гульні, у якой «Зэніт» саступіў і ўпершыню ў сваёй гісторыі стаў бронзавым прызэрам чэмпіянату.
_-_8.jpg)
У міжсэзоньні 2016 году клюб узмацніўся 22-гадовым атакуючым абаронцам Сяргеем Карасёвым[3] і сэрбскім гульнёвым Стэфанам Маркавічам[4], захаваўшы пры гэтым лідэраў каманды мінулага сэзону[5][6]. Аднак клюб ня здолеў прасунуцца далей 1/4 фіналу Эўракубка, а ў Адзінай лізе ВТБ 2016—2017 гадоў каманда атрымала паразу ад «Хімак» у паўфінальнай сэрыі, пры гэтым маючы перавагу ў сэрыі 2:0, тым самым ня трапіўшы ў Эўралігу на сэзон 2017—2018 гадоў. Такая хада падзеяў сталася чыньнікам сыходу вялікай колькасьці замежнікаў з каманды. У наступныя некалькі гадоў дружыне бракавала посьпехаў, але ў пачатку сэзону 2019—2020 гадоў стала вядома, што «Зэніт» возьме ўдзел у Эўралізе ў сэзоне 2019—2020 гадоў, атрымаўшы ўайлдкард[7].
У 2020 годзе галоўным трэнэрам клюбу быў прызначаны Хавіер Паскуаль[8], а спартовым дырэктарам стаў Манас Пападопуляс[9]. У сэзоне 2020—2021 гадоў «Зэніт» упершыню втрапіў у плэй-оф Эўралігі, усталяваўшы рэкорд Эўралігі, калі восьмая каманда паводле вынікаў рэгулярнага этапу турніру перамагла першую. У далейшым каманда саступіла «Барсэлёне» ў пяціматчавай сэрыі[10]. У сэзоне 2021—2022 гадоў пецярбурскі клюб яшчэ больш упэўнена гуляў у эўрапейскім турніры і меў шанец стаць удзельнікам Фіналу чатырох Эўралігі, аднак у сувязі з адхіленьнем расейскіх клюбаў ад удзелу ў турніры, сіне-бела-блакітныя гэтак і ня здолелі рэалізаваць свае пляны. У 2022 годзе каманда стала чэмпіёнам Адзінай лігі ВТБ, адолеўшы ў фінале супраціў сталічнага ЦСКА, пры гэтым саступаючы на пачатку сэрыі зь лікам 2:0.
Дасягненьні
[рэдагаваць | рэдагаваць код]Нацыянальныя турніры
[рэдагаваць | рэдагаваць код]
Кубак Расеі:
Пераможца: 2024
Фіналіст: 2016, 2023
Крыніцы
[рэдагаваць | рэдагаваць код]- ↑ «Кайл Лэндри выбыл до конца сезона». ФК «Зенит».
- ↑ «Евгений Валиев выбыл до конца сезона». ФК «Зенит».
- ↑ «Сергей Карасёв продолжит карьеру в Зените». ФК «Зенит».
- ↑ «Стефан Маркович продолжит карьеру в «Зените»». ФК «Зенит».
- ↑ «Кайл Лэндри продлил контракт с Зенитом». ФК «Зенит».
- ↑ «Антон Пушков остаётся в Петербурге ещё на два сезона». ФК «Зенит».
- ↑ «БК «Зенит» примет участие в Евролиге в сезоне-2019/20». ТАСС.
- ↑ «Испанец Хавьер Паскуаль возглавил баскетбольный клуб „Зенит“». ТАСС.
- ↑ «Спортивным директором „Зенита“ станет Манос Пападопулос. Кто это такой?» Sports.ru.
- ↑ «Баскетболисты „Зенита“ проиграли „Барселоне“ и не сумели выйти в „Финал четырех“ Евролиги». ТАСС.