Арнольд Сьмеяновіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Арнольд Сьмеяновіч
Нарадзіўся 11 жніўня 1938(1938-08-11) (82 гады)
Бранск, Арлоўская вобласьць, Расейская Савецкая Фэдэратыўная Сацыялістычная Рэспубліка, СССР
Навуковая сфэра мэдыцына
Месца працы Рэспубліканскі навукова-практычны цэнтар нэўралёгіі і нэўрахірургіі
Альма-матэр Менскі мэдычны інстытут (1960)
Навуковая ступень доктар мэдычных навук
Навуковы кіраўнік Яфрэм Злотнік
Вядомы як распрацоўнік поўнага мікрахірургічнага выдаленьня нэўрыномаў пераддзьвернасмоўжыкавай нэрвы
Узнагароды і прэміі

Арнольд Фёдаравіч Сьмеяновіч (нар. 1938, Бранск, цяпер Расея) — беларускі нэўрахірург.

Доктар мэдычных навук (1982), прафэсар (1993), ляўрэат Дзяржаўнай прэміі Беларусі (1994), заслужаны дзяяч навукі Рэспублікі Беларусь (1998)[1] і акадэмік Нацыянальнай акадэміі навук Беларусі (2009).

Жыцьцяпіс[рэдагаваць | рэдагаваць крыніцу]

У 1960 годзе скончыў Лячэбны факультэт Менскага мэдычнага інстытуту. Разьмеркаваўся на 3 гады ў Дрыбінскую лякарню (Магілёўская вобласьць). У 1963—1975 гадах працаваў нэўрахірургам у Менскай абласной клінічнай лякарні. У 1975 годзе прыйшоў працаваць у Беларускі навукова-дасьледчы інстытут (НДІ) нэўралёгіі, нэўрахірургіі і фізыялёгіі, які ўзначальваў у 1998—2005 гадах. Напісаў навуковыя працы пра пухліны галаўнога мозгу (нэўрыному слыхавой нэрвы), анэўрызмы ссудзінаў галаўнога мозгу, астэахандроз хрыбетніка і траўмы пэрыфэрычных нэрваў[1]. У 2000 годзе дамогся, каб у Беларускай мэдычнай акадэміі пасьлядыплёмнай адукацыі пачалі чытаць курс нэўрахірургіі для хірургаў і траўматолягаў, што дазволіла апошнім выконваць ў раённых лякарнях апэрацыі, зьвязаныя з траўмамі галавы і хрыбетніка[2].

Крыніцы[рэдагаваць | рэдагаваць крыніцу]

  1. ^ а б Сьмеяновіч // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 2002. — Т. 15. — С. 54. — 552 с. — 10 000 ас. — ISBN 985-11-0251-2
  2. ^ Сьвятлана Барысенка. «Сучасная беларуская нэўрахірургія адпавядае эўрапейскім стандартам» // Краіна здароўя. — 10 жніўня 2013. — № 7 (308). — С. 5.