Перайсьці да зьместу

Арда Гюлер

Зьвесткі зь Вікіпэдыі — вольнай энцыкляпэдыі
Арда Гюлер
Пэрсанальная інфармацыя
Нарадзіўся 25 лютага 2005(2005-02-25)[1] (21 год)
Рост 176 см[2]
Пазыцыя атакуючы паўабаронца
Клюбная інфармацыя
Клюб Рэал Мадрыд
Нумар 15
Клюбы
Гады Клюб Гульні (галы)¹
2021—2023 Фэнэрбахчэ 32 (7)
2023—4 Рэал Мадрыд 70 (13)
Зборныя
2022—4 Турэччына 27 (6)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
21 красавіка 2026.
² Колькасьць гульняў і галоў за нацыянальную зборную
ў афіцыйных матчах, адкарэктавана на
26 сакавіка 2026.

Арда́ Гюле́р (па-турэцку: Arda Güler; нар. 25 лютага 2005 году) — турэцкі футбаліст, атакуючы паўабаронца гішпанскага клюбу «Рэал» і зборнай Турэччыны. Уважаецца адным з найлепшых маладых гульцоў у сьвеце[3][4].

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Гюлер займаўся футболам у акадэміі «Генчлербірлігі», але ў веку 13 гадоў далучыўся да акадэміі «Фэнэрбахчэ». 13 студзеня 2021 году маладзён падпісаў прафэсійны кантракт з клюбам на два з паловай гады[5]. Кіраўніцтва клюб разглядала яго як футбаліст зь вялікім патэнцыялам на будучыню[6].

Гюлер у складзе «Фэнэрбахчэ».

Футбаліст дэбютаваў у матчы Лігі Эўропы 2021—2022 гадоў, зьявіўшыся на замену ў матчы супраць фінскага клюбу ХІК. Праз тры дні ў сваім першым матчы Супэрлігі ён аддаў галявую перадачу, якая дазволіла Міху Зайцу загнаць гол на 89-й хвіліне ў матчы супраць «Антальяспору», які завяршыўся перамогай зь лікам 2:0[7]. Зь цягам сэзону пачаў атрымліваць больш гульнёвага часу. 17 сакавіка 2022 году «Фэнэрбахчэ» абвесьціў, што склаў з спартоўцам новы трохгадовы кантракт[8]. Да траўня 2022 году Гюлер правёў 3 галы і аддаў 3 галявыя перадачы ўсяго за 255 хвілінаў гульнёвага часу. Пасьля ўражлівага пачатку кар’еры стала вядома, што ім зацікавіліся буйныя эўрапейскія клубы, як то «Арсэнал», «Лівэрпул», «Баварыя», дортмундзкая «Барусія», «Барсэлёна» і ПСЖ[9][10]. На пачатку сэзону 2022—2023 гадоў, па адыходзе Мэсута Эзіля, Гюлер узяў сабе 10-ы нумар. 3 лістапада 2022 году ён адзначыўся першым голам у эўрапейскіх спаборніцтвах, а таксама аддаў галявую перадачу ў выязным матчы супраць кіеўскага «Дынама»[11].

6 ліпеня 2023 году клюб Ля Лігі мадрыдзкі «Рэал» абвесьціў аб падпісаньні з Гюлерам шасьцігадовага кантракту[12][13]. Угода была складзеная шляхам актывацыі пункта аб выплаце сумы ў памеры 20 мільёнаў эўра[14][15]. Пасьля шэрагу траўмаў у «Рэале» ў канцы 2023 году Гюлер дэбютаваў за «сьметанковых» 6 студзеня 2024 году ў матчы Кубка Гішпаніі[16]. Гулец дэбютаваў у Ля Лізе ў матчы супраць «Ляс-Пальмасу» 27 студзеня, выйшаўшы на замену на 81-й хвіліне замест Радрыгу[17][18]. 10 сакавіка ён улучыў свой першы гол у лізе за «Рэал», засмуціўшы брамніка «Сэльты» Вісэнтэ Гуаіту на чацьвертай хвіліне дададзенага часу, і замацаваўшы перамогу зь лікам 4:0[19][20]. 19 траўня ён разжыўся галявым дублем у матчы супраць «Вільярэалу», які скончыўся ўнічыю зь лікам 4:4[21]. У той час Гюлер гуляў перадусім у матчах Кубка Гішпаніі і абмежаваны час зьяўляўся ў гульнях лігі, зрэдку зьяўляючыся ў стартавым складзе ў двух запар матчах. Па прызначэньнь Шабі Алёнса на пасаду галоўнага трэнэра мадрыдцаў, Гюлер пачаў часьцей зьяўляцца ў першай адзінаццатцы, пераважна выходзячы на пазыцыі паўабаронцы. 14 сакавіка 2026 года ён пацэліў мяч у браму з 68 мэтраў з сваёй паловы поля ў матчы 4:1 супраць «Эльчэ». Гэты ўдар адзначыўся найдалёкшым голам у гісторыі Ля Лігі, што абнавіла рэкорд, усталяваны Антоніё Хасэ ў 2004 годзе, які ўлучыў мяч зь вельмі падобнай адлегласьці[22][23].

Міжнародная

[рэдагаваць | рэдагаваць код]

Дэбютаваў у складзе зборнай Турэччыны 19 лістапада 2022 году ў таварыскім матчы супраць зборнай Чэхіі, які завяршыўся перамогай туркаў зь лікам 2:1. Свой першы гол ён правёў 19 чэрвеня 2023 году, загнаўшы мяч у браму зборнай Ўэйлзу ў адборачным матчы да чэмпіянату Эўропы 2024 году[24]. Гюлер быў улучаны ў склад зборнай на эўрапейскае першынство 2024 году[25]. 18 чэрвеня ён быў ушанаваны званьнем найлепшага гульца матчу, бо адзначыўся голам у пераможным матчы адкрыцьця чэмпіянату супраць зборнай Грузіі[26].

Дасягненьні

[рэдагаваць | рэдагаваць код]

«Фэнэрбахчэ»:

«Рэал»:

Крыніцы

[рэдагаваць | рэдагаваць код]
  1. 1 2 https://web.archive.org/web/20210608142900/https://www.tff.org/Default.aspx?pageId=30&kisiId=1723820
  2. ↑ Soccerway (мн.)
  3. ↑ The 25 best young players in world football right now ranked in order. Give Me Sport (01.07.2024). Архіўная копія ад 10.07.2024 г.
  4. ↑ 2024 Kopa Trophy Nominees Announced: Lamine Yamal, Arda Güler…. beinsports (04.09.2024).
  5. ↑ Altyapı futbolcumuz Arda Güler'le profesyonel sözleşme imzalandı // Fenerbahçe S.K., 13.01.2021 г. Архіўная копія ад 20.08.2021 г.
  6. ↑ Arda Guler: The Turkish wonderkid the whole of Europe wants to sign // Goal (website), 19.04.2022 г. Архіўная копія ад 19.04.2022 г.
  7. ↑ Fenerbahçe 2–0 Fraport TAV Antalyaspor // Fenerbahçe S.K., 22.08.2021 г. Архіўная копія ад 26.04.2024 г.
  8. ↑ Fenerbahçe Yolunuz Açık Olsun… Armamızla, Uzun Yıllar Nice Başarılara – Fenerbahçe Spor Kulübü Архіўная копія ад 20.04.2022 г.
  9. ↑ Arda Guler: The Turkish wonderkid the whole of Europe wants to sign. Goal (website). Архіўная копія ад 18.08.2022 г.
  10. ↑ Sport (06.06.2022) PSG join Barça on the list of clubs that want Arda Guler. sport. Архіўная копія ад 18.07.2023 г.
  11. ↑ Dynamo Kyiv 0–2 Fenerbahçe. UEFA (03.11.2022). Архіўная копія ад 24.11.2022 г.
  12. ↑ Official Announcement: Arda Güler. Real Madrid CF (06.07.2023). Архіўная копія ад 08.07.2023 г.
  13. ↑ Arda Güler becomes a Real Madrid player. Real Madrid CF. Архіўная копія ад 08.07.2023 г.
  14. ↑ Real sign Turkish wonderkid Guler from Fenerbahce // BBC Sport Архіўная копія ад 18.07.2023 г.
  15. ↑ Real Madrid beat Barcelona to win race for Turkish wonderkid. OneFootball (06.07.2023). Архіўная копія ад 05.10.2023 г.
  16. ↑ Madrid will be patient with Guler after debut, boss Ancelotti says. Reuters (07.01.2024). Архіўная копія ад 07.01.2024 г.
  17. ↑ Tchouameni grabs Madrid late win at Las Palmas to top Liga. France 24 (27.01.2024). Архіўная копія ад 04.02.2024 г.
  18. ↑ Arda Güler sahaya çıktı Real zor da olsa kazandı. beIN Sports (27.01.2024). Архіўная копія ад 27.01.2024 г.
  19. ↑ Real Madrid 4–0 Celta Vigo: Vinicius Junior and Arda Guler score in La Liga win. BBC Sport (10.03.2024). Архіўная копія ад 04.04.2024 г.
  20. ↑ Arda Güler: "I'm thrilled to have scored my first goal". Real Madrid CF (10.03.2024). Архіўная копія ад 02.04.2024 г.
  21. ↑ Arda Güler continues ridiculous start to Madrid career. onefootball (19.05.2024).
  22. ↑ How far was Arda Güler’s goal in Real Madrid vs Elche?. beIN SPORTS (15.03.2026).
  23. ↑ Real Madrid score a screamer from before the halfway line. Yahoo! Sports (14.03.2026).
  24. ↑ Wales' Euro hopes in tatters after defeat in Turkey // BBC Sport Архіўная копія ад 23.06.2023 г.
  25. ↑ A Millî Takımımızın EURO 2024 Aday Kadrosu Açıklandı // Turkish Football Federation, 07.06.2024 г. Архіўная копія ад 07.06.2024 г.
  26. ↑ Türkiye 3–1 Georgia: Arda Güler thunderbolt lights up thrilling win. Union of European Football Associations (18.06.2024). Архіўная копія ад 18.06.2024 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Арда_Гюлер&oldid=2662247»