Арбэлін Пінэда
| Арбэлін Пінэда | ||
 | ||
| Пэрсанальная інфармацыя | ||
|---|---|---|
| Нарадзіўся | 24 сакавіка 1996[1][2] (30 гадоў) | |
| Рост | 168 см | |
| Пазыцыя | паўабаронца | |
| Клюбная інфармацыя | ||
| Клюб | АЕК Атэны | |
| Нумар | 13 | |
| Клюбы | ||
| Гады | Клюб | Гульні (галы)¹ |
| 2014—2015 | Керэтара[d] | 44 (8) |
| 2016—2018 | Гвадаляхара | 102 (7) |
| 2019—2022 | Крус Асуль | 97 (10) |
| 2022—2023 | Сэльта | 7 (0) |
| 2022—2023 | → АЕК Атэны | 36 (9) |
| 2023— | АЕК Атэны | 92 (9) |
| Зборныя | ||
| 2015 | Мэксыка (да 20)[d] | 3 (0) |
| 2016— | Мэксыка | 90 (12) |
|
¹ Колькасьць гульняў і галоў за прафэсійны клюб лічыцца толькі | ||
Арбэлі́н Пінэ́да Альвара́да (па-гішпанску: Orbelín Pineda Alvarado; нар. 24 сакавіка 1996 году) — мэксыканскі футбаліст, паўабаронца грэцкага клюбу АЕК і нацыянальнай зборнай Мэксыкі.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]У 2014 годзе далучыўся да асноўнай каманды клюбу «Керэтара», у складзе якой дэбютаваў у мэксыканскай лізе 1 жніўня ў матчы супраць «Пачукі»[3]. Першым голам разжыўся 24 студзеня 20155 году таксама ў сустрэчы супраць «Пачукі», але гэта не дапамагло клюбу, бо карэтарцы саступілі зь лікам 1:2[4]. 2 сьнежня 2015 году «Гвадаляхара» абвесьціла, што падпісала Пінэду на пяцігадовы кантракт[5]. У новай камандзе паўабаронца дэбютаваў 10 студзеня 2016 году супраць «Вэракруса»[6]. 10 ліпеня ўлучыў гол у Супэркубку Мэксыкі 2016 году ў матчы супраць «Вэракруса», а матч скончыўся перамогай ягонай дружыны зь лікам 2:0[7]. У 2017 годзе стаў чэмпіёнам краіны ў складзе каманды. У сьнежні 2018 году было абвешчана, што «Крус Асуль» узгодніў зь Пінэдам угоду за 12 мільёнаў даляраў[8]. У новай камандзе гулец стаў ключавым футбалістам.
7 студзеня 2022 году Пінэда падпісаў пяцігадовы кантракт з гішпанскім клюбам «Сэльтай»[9]. Мэксыканец дэбютаваў за клюб 21 лютага ў матчы супраць «Левантэ», выйшаўшы на замену ў другім тайме. 15 ліпеня на правах арэнды спартовец прыяднаўся да грэцкага клюбу АЕК[10]. Ягоная гульня ў сэзоне прынесла яму званьні найлепшага гульца лігі, найлепшага легіянэра[11] і месца ў сымбалічнай зборнай сэзону, а таксама прыз найлепшага гульца клюбу. 1 ліпеня 2023 году АЕК выкупіў Пінэду з «Сэльты» за 6,5 мільёна эўра[12], а сам гулец склаў з клюбам чатырохгадовы кантракт да 2027 году.
Міжнародная
[рэдагаваць | рэдагаваць код]Пінэда некалькі разоў улучаўся ў папярэднія сьпісы зборнай перад некалькімі турнірамі, але на іх не трапляў. Дэбютаваў у складзе зборнай Мэксыкі 6 верасьня 2016 году ў матчы кваліфікацыі да чэмпіянату сьвету 2018 году супраць зборнай Гандурасу[13]. Першым турнірам для Пінэды стаў Залаты кубак КОНКАКАФ 2017 году[14], дзе 9 ліпеня ён пацэліў свой першы гол за зборную ў матчы групавога этапу супраць зборнай Сальвадору, стаўшы аўтарам апошняга голу ў перамозе зь лікам 3:1[15]. У 2019 годзе стаў пераможцам чарговага Залатога кубка КОНКАКАФ. У 2022 годзе дэбютаваў на чэмпіянаце сьвету па футболе. Пінэда браў удзел у Залатым кубку КОНКАКАФ 2023 году, дзе быў ключавым гульцом зборнай, загнаўшы два галы ў матчах на шляху да фіналу[16].
Дасягненьні
[рэдагаваць | рэдагаваць код]«Гвадаляхара»:
- Чэмпіён Мэксыкі: 2017(к)
- Уладальнік Кубка Мэксыкі: 2017(к)
- Уладальнік Супэркубка Мэксыкі: 2016
- Пераможца Лігі чэмпіёнаў КОНКАКАФ: 2018
«Крус Асуль»:
- Уладальнік Супэркубка Мэксыкі: 2019
- Уладальнік Кубка лігаў: 2019
АЕК:
- Чэмпіён Грэцыі: 2023, 2026
- Уладальнік Кубка Грэцыі: 2023
Мэксыка:
- Уладальнік Залатога кубка КОНКАКАФ: 2019, 2023, 2025
- Пераможца Лігі нацыяў КОНКАКАФ: 2025
Крыніцы
[рэдагаваць | рэдагаваць код]- ↑ Orbelín Pineda // Transfermarkt (мн.) — 2000.
- ↑ Orbelín Pineda // As (гішп.) — Madrid: PRISA, 1967. — ISSN 1888-6671
- ↑ Orbelín Pineda // mediotiempo Архіўная копія ад 30.05.2015 г.
- ↑ Los 5 goles de Orbelín Pineda con Querétaro en la Liga MX. Somos Invictos (18.04.2015).
- ↑ Chivas y Gallos llegan a un acuerdo por Orbelín Pineda. Chivasdecorazon.com.mx.
- ↑ Marshall, Tom (10.01.2016) Matias Almeyda's new-look Chivas slip up in Liga MX Clausura opener. ESPN.
- ↑ Marshall, Tom (11.07.2016) Chivas secure statement win over Veracruz in the Supercopa MX. ESPN.
- ↑ ¡Oficial! Cruz Azul contrata a Orbelín Pineda. El Sol de México (18.12.2018).
- ↑ La magia de Orbelín Pineda se suma al ataque del RC Celta // RC Celta, 07.01.2022 г.
- ↑ Orbelín Pineda jugará esta temporada cedido en el AEK de Atenas. RC Celta (15.07.2022).
- ↑ Παπαμακάριος, Πέτρος (27.11.2023) Βραβεία ΠΣΑΠΠ 2023: Κορυφαίος Έλληνας ο Ιωαννίδης, ξένος ο Πινέδα, προπονητής ο Αλμέιδα. sport24.gr.
- ↑ Αυτό είναι το deal της ιστορικής συμφωνίας της ΑΕΚ με τον Πινέδα: Όλες οι λεπτομέρειες της μεγάλης μεταγραφής. sport24.gr (01.07.2023).
- ↑ Orbelín Pineda debutó con la Selección Nacional de México. Miseleccion.mx.
- ↑ Lista la convocatoria de México para la Copa Oro. Marca (28.06.2017).
- ↑ Mexico 3 El Salvador 1: Defending Gold Cup champions win opener. Four Four Two (10.07.2017).
- ↑ Mexico vs Panama score, result, and highlights as Santi Gimenez goal gives El Tri 2023 CONCACAF Gold Cup. www.sportingnews.com (17.07.2023).