Андрэй Стрыжак
Андрэй Стрыжак | |
 | |
| Дата нараджэньня | 23 чэрвеня 1985[1] (40 гадоў) |
|---|---|
| Месца нараджэньня | |
| Месца вучобы | |
| Занятак | палітычны актывіст, праваабаронец, грамадзкі дзяяч |
| Сябра ў | Беларускі фонд салідарнасьці[d] і Беларускі фонд дапамогі[d] |
| Узнагароды |  |
Андрэй Сяргеевіч Стрыжак (нар. 23 чэрвеня 1985 г.) — беларускі грамадзкі дзеяч і праваабаронца.
Біяграфія
[рэдагаваць | рэдагаваць]Нарадзіўся ў Рэчыцы, у 90-я гг. з бацькамі жыў у Польшчы і Нямеччыне, ад 2003 г. жыў у Гомлі[3]. Паступіў у Гомельскі дзяржаўны ўнівэрсытэт, факультэт расейскай філялёгіі, але быў адлічаны, паводле ўласных сьцьверджаньняў, па палітычных матывах[3].
Ад 2001 г. займаўся палітычным актывізмам. У 2007-м уступіў у незалежны прафсаюз працаўнікоў радыёэлектроннай прамысловасьці, заняўся праваабарончай дзейнасьцю, абараняў інтарэсы сяброў арганізацыі ў судзе.
У 2015 г., падчас Вайны на Данбасе, стварыў ініцыятыву «Гуманітарны маршрут Беларусь — АТА», якая пяць гадоў пастаўляла гуманітарную дапамогу ў Данбас. Займаўся дакумэнтацыяй ваенных злачынстваў.
З 2017 г. быў адным з арганізатараў ініцыятывы BYhelp, якая зьбірала сродкі і супрацьдзейнічала закону «аб дармаедах».
У сакавіку 2020 г., падчас пандэміі COVID-19, стаў адным з арганізатараў валянтэрскай ініцыятывы #BYCOVID19, якая займалася дапамогай мэдычным установам у Беларусі, пастаўкай сродкаў супрацьвіруснай індывідуальнай абароны[4].
Калі ў тым жа годзе пачаліся масавыя рэпрэсіі пасля прэзыдэцкіх выбараў, быў стваральнікам фонду салідарнасьці BYSOL, які арганізуе збор сродкаў для падтрымкі пацярпелых ад рэпрэсій, а таксама праводзіць эвакуацыю зь Беларусі людзей, якім пагражаюць рэпрэсіі. З пачаткам паўнамаштабовай вайны ва Украіне ў 2022 г. фонд уключыўся ў дапамогу Украіне.
Зь ліпеня 2022 г. жыве ў эміграцыі[3].
Перасьледуецца рэжымам Лукашэнкі за нібыта «фінансаваньне экстрэмісцкай дзейнасьці»[5] і «фінансаваньне і матэрыяльнае забесьпячэньне ўзброенага канфлікту і ваенных дзеяньняў на тэрыторыі сумежнай дзяржавы»[6]. У 2025 годзе Андрэй Стрыжак быў завочна прыгавораны да 18 гадоў пазбаўленьня волі ды штрафу[7].
Узнагароды
[рэдагаваць | рэдагаваць]- Мэдаль да стагодзьдзя БНР (2018)[8]
Прыватнае
[рэдагаваць | рэдагаваць]Мае ў тым ліку ўкраінскія карані[3]. Мае дзіця.
Крыніцы
[рэдагаваць | рэдагаваць]- ^ https://nashaniva.com/?c=ar&i=151784&lang=ru
- ^ https://belprauda.org/profile/andrej-stryzhak/
- ^ а б в г «Самая дарагая мая рэч — ноўтбук за 1500 эўра». Вялікая размова з кіраўніком BySol Андрэем Стрыжаком у праекце «Ворагі рэжыму» Радыё Свабода
- ^ Андрей Стрижак — belprauda.org
- ^ Следчы камітэт абвясціў Аляксея Лявончыка і Андрэя Стрыжака у міждзяржаўны вышук Эўрарадыё
- ^ СК Беларусі завёў на Стрыжака справу за «фінансаваньне вайны». Той адказаў сьледчым і зьвярнуўся да ўладаў Украіны Радыё Свабода
- ^ Стрижака и Леончика заочно осудили на 18 лет лишения свободы (рас.) Reform.news(be)
- ^ У Вільні ўручылі медалі Рады БНР дзеячам з Беларусі Наша Ніва