Андрэй Альшанік
| Андрэй Альшанік | ||
| Пэрсанальная інфармацыя | ||
|---|---|---|
| Нарадзіўся | 3 траўня 1999[1] (26 гадоў) | |
| Рост | 175 см | |
| Вага | 75 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Паперпрам | |
| Нумар | 14 | |
| Клюбы | ||
| Гады | Клюб | Гульні (галы)¹ |
| 2017—2018 | БАТЭ | 0 (0) |
| 2018—2020 | Энэргетык-БДУ | 17 (0) |
| 2019 | → Нафтан | 12 (4) |
| 2020 | → Крумкачы | 24 (5) |
| 2021—2022 | Славія Мазыр | 44 (2) |
| 2023 | МЛ Віцебск | 21 (6) |
| 2024 | Слуцак | 10 (0) |
| 2024 | МЛ Віцебск | 19 (1) |
| 2025— | Паперпрам | 12 (0) |
| Зборныя | ||
| 2017 | Беларусь (да 19)[d] | 3 (0) |
| 2019 | Беларусь (да 21) | 1 (1) |
|
¹ Колькасьць гульняў і галоў за прафэсійны клюб лічыцца толькі | ||
Андрэ́й Альша́нік (нар. 3 траўня 1999 году) — беларускі футбаліст, паўабаронца гомельскага «Паперпраму».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец менскай футбольнай школы «Трактар». З 2015 году пачаў выступаць за дубль барысаўскага БАТЭ, на наступны год замацаваўся ў дублюючым складзе. У 2015 годзе гуляў за барысаўскі клюб таксама ў Юніёрскай лізе УЭФА. 7 ліпеня 2017 году дэбютаваў у асноўнай камандзе БАТЭ, выйшаўшы на замену ў другім тайме ў матчы Кубка Беларусі супраць стаўпецкага «Нёмана-Агра» (5:1).
У жніўні 2018 году перайшоў у сталічны «Энэргетык-БДУ»[3]. У складзе сталічнай каманды пачаў выходзіць у пачатковым складзе і дапамог ёй выйсьці ў Найвышэйшую лігу. У сакавіку 2019 году быў аддадзены ў арэнду наваполацкаму «Нафтану»[4], дзе таксама быў гульцом асноўнага складу. У жніўні 2019 году вярнуўся ў «Энэргетык-БДУ»[5]. 11 жніўня 2019 году дэбютаваў у Найвышэйшай лізе, выйшаўшы на замену ў другім тайме ў матчы супраць БАТЭ (1:4). У далейшым яшчэ некалькі разоў зьявіўся ў асноўнай камандзе, аднак пераважна гуляў за дубль.
У студзені 2020 году на правах арэнды далучыўся да «Смалявічаў»[6]. Рыхтаваўся поруч з камандай да новага cэзону, аднак у сакавіку пакінуў яе[7], гэтак і не згуляўшы ў афіцыйных матчах. Неўзабаве выправіўся на прагляд у «Крумкачы». У красавіку 2020 году стаў гульцом сталічнага клюбу[8], дзе спачатку гуляў у стартавым складзе, пазьней пачаў часьцей выходзіць на замену.
У студзені 2021 году скасаваў кантракт з «Энэргетыкам-БДУ»[9] і стаў трэнавацца з мазырскай «Славіяй», зь якой у лютым склаў пагадненьне[10]. У cэзоне 2021 году чаргаваў выхады ў першай адзінаццатцы і на замену, часам заставаўся на лаўцы запасных. У студзені 2022 году падоўжыў кантракт з мазырскім клюбам[11]. У cэзоне 2022 году замацаваўся ў стартавым складзе каманды. У сьнежні 2022 году падоўжыў пагадненьне з «Славіяй» на наступны cэзон[12], аднак ня быў уключаны ў заяўку на чэмпіянат 2023 году і не зьяўляўся на полі. У траўні 2023 году паводле вынікаў паседжаньня Камітэту па статусе і пераходах футбалістаў АБФФ атрымаў статус свабоднага агента[13]. У чэрвені 2023 году далучыўся да віцебскага «Макслайну»[14]. У студзені 2024 году перайшоў у «Слуцак»[15], аднак ужо ўлетку зышоў з клюбу ды вярнуўся ў першалігавы «Макслайн»[16]. У камандзе быў гульцом асноўнага складу, дапамогшы клюб прасунуцца ў Найвышэйшую лігу. Тым ня менш, па заканчэньні сэзону пакінуў дружыну[17]. Перад пачаткам сэзону 2025 году стала вядома, што футбаліст працягне кар’еру ў гомельскім «Паперпраме»[18].
Міжнародная
[рэдагаваць | рэдагаваць крыніцу]У студзені 2016 году ў складзе юнацкай зборнай Беларусі выступаў на Кубку разьвіцьця ў Менску. У кастрычніку 2017 году ў складзе зборнай Беларусі (да 19 гадоў) браў удзел у адборачным раўндзе чэмпіянату Эўропы. 8 чэрвеня 2019 году правёў сваю адзіную сустрэчу за моладзевую зборную Беларусі, калі выйшаў на замену ў другім тайме адборачнага матча чэмпіянату Эўропы супраць зборнай Гібральтару (10:0), адзначыўся голам і чатырма галявымі перадачамі.
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Энэргетык-БДУ | 2018 | Першая ліга | 13 | 0 |
Крыніцы
[рэдагаваць | рэдагаваць крыніцу]- ^ а б в Andrey Alshanik // Transfermarkt (мн.) — 2000.
- ^ а б в г https://fcslavia.by/ru/player/alshanik-0
- ^ Дублеры БАТЭ Кисель и Альшаник перешли в «Энергетик-БГУ» (рас.)
- ^ Гулецкий покинул "Энергетик-БГУ", Альшаник отдан в аренду (рас.)
- ^ "Энергетик-БГУ" вернул Альшаника из аренды в "Нафтан" (рас.)
- ^ "Энергетик-БГУ" отдал Альшаника в аренду "Смолевичам" (рас.)
- ^ Трансферы. Хващинский в “Минске” (рас.) Архіўная копія ад 2021-09-30 г.
- ^ Андрей Альшаник стал игроком "Крумкачоў" (рас.) Афіцыйны сайт «Крумкачоў»
- ^ "Энергетик-БГУ" расторг контракты с Гавриловым и Альшаником (рас.)
- ^ "Славия" подписала контракт с Альшаником и отдала Иваненко в аренду "Гомелю" (рас.)
- ^ Альшаник продлил контракт со "Славией" (рас.)
- ^ Альшаник и Кобец подписали новые контракты со "Славией" (рас.)
- ^ АБФФ обязал "Славию" выплатить компенсацию Альшанику, "Шахтер" - Плотникову и оштрафовал "горняков" за Колобарича и Ивановича (рас.)
- ^ Альшаник стал игроком "Макслайна" (рас.)
- ^ Воспитанник БАТЭ пополнил "Слуцк" (рас.)
- ^ Защитник сменил "Слуцк" на "Макслайн" (рас.)
- ^ Никита Костомаров, Андрей Альшаник и Николай Иванов покинули "Макслайн" (рас.). Football.by (2024-12-02). Праверана 2025-03-10 г.
- ^ Альшаник продолжит карьеру в "Бумпроме" (рас.). Football.by (2025-03-20). Праверана 2025-04-21 г.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)
- Нарадзіліся 3 траўня
- Нарадзіліся ў 1999 годзе
- Нарадзіліся ў Асіпавічах
- Футбалісты клюбу «Паперпрам» Гомель
- Футбалісты клюбу БАТЭ Барысаў
- Футбалісты клюбу «Энэргетык»-БДУ Менск
- Футбалісты клюбу «Нафтан» Наваполацак
- Футбалісты клюбу «Крумкачы» Менск
- Футбалісты клюбу «Славія» Мазыр
- Футбалісты клюбу «Макслайн» Віцебск
- Футбалісты клюбу «Слуцак»
- Футбалісты моладзевай зборнай Беларусі
- Беларускія футбалісты