Аляксандар Мядзьведзь

Аляксандар Мядзьведзь
	Аляксандар Мядзьведзь
	Алімпійскі чэмпіён (вольная барацьба)
Дата нараджэньня	16 верасьня 1937 (85 гадоў)
Месца нараджэньня	Белая Царква, УССР
Месца вучобы	спартыўна-педагагічны факультэт спартыўных гульняў і адзінаборстваў БДУФК[d];
Занятак	барэц, трэнэр
Месца працы	Беларускі дзяржаўны ўнівэрсытэт інфарматыкі і радыёэлектронікі;
Узнагароды	алімпійскі залаты мэдаль[d] Алімпійскі ордэн[d]
	Аляксандар Мядзьведзь у Вікісховішчы

Алякса́ндар Васі́льевіч Мядзьве́дзь (нарадзіўся 16 верасьня 1937 году, места Белая Царква, УССР) — беларускі барэц вольнага стылю, заслужаны майстар спорту (1962), заслужаны дзеяч фізычнай культуры Беларусі (1969). Прафэсар (1976).

Біяграфія[рэдагаваць | рэдагаваць крыніцу]

Спартовую кар’еру распачаў у 1959 годзе на II Спартакіядзе народаў СССР, дзе заваяваў бронзавы мэдаль.

Аляксандар Мядзведзь — трохразовы алімпійскі чэмпіён (1964, 1968, 1972), прычым у трох розных вагавых катэгорыях (паўцяжкай, цяжкай і абсалютнай), 7 разоў (1962—1963, 1966—1967, 1969—1971) быў чэмпіёнам сьвету, 4 разы (1966, 1968, 1971 і 1972) — чэмпіёнам Эўропы.

У 1961 годзе скончыў школу трэнэраў пры Беларускім дзяржаўным інстытуце фізычнай культуры, а ў 1965 годзе — гэты інстытут.

Па заканчэньні спартовай кар’еры працаваў дацэнтам у Менскім радыётэхнічным інстытуце і трэнэрам па барацьбе.

У 2001 годзе вызнаны найлепшым спартоўцам Беларусі XX стагодзьдзя. У 2005 годзе быў вызнаны найлепшым вольным барцом у гісторыі спорту і ўведзены ў Залю спартовай славы барацьбы.

Жанаты, двое дзяцей — дачка і сын Аляксей (барэц, уладальнік Кубка сьвету), тры ўнукі.

З 1970 году ў Беларусі праводзіцца традыцыйны міжнародны турнір па вольнай барацьбе на прызы Аляксандра Мядзьведзя (катэгорыя Гран-пры).

Узнагароды[рэдагаваць | рэдагаваць крыніцу]

Ордэн МАК і прыз «За высакароднасьць у спорце» (1975)
Заслужаны майстар спорту (1962)
Заслужаны трэнэр БССР (1979)
Заслужаны трэнэр СССР (1984)
Ганаровы грамадзянін Менску (1975)

Літаратура[рэдагаваць | рэдагаваць крыніцу]

Мядзведзь Аляксандр Васілевіч // Беларуская энцыклапедыя: У 18 т. / Рэдкал.: Г. П. Пашкоў і інш. — Менск: БелЭн, 2000. — Т. 11: Мугір — Паліклініка. — 560 с. — ISBN 985-11-0188-5 С. 66.

Вонкавыя спасылкі[рэдагаваць | рэдагаваць крыніцу]

Аляксандар Мядзьведзь — сховішча мультымэдыйных матэрыялаў

16 верасня — 70 год з дня нараджэння (1937) А. В. Мядзведзя, спартсмена і трэнера (вольная барацьба) // Нацыянальная бібліятэка Беларусі
Аляксандр Мядзведзь // belarus.by
Валянціна Лецка. Мядзьведзевы падарожжы // Наша Ніва, 2002