Перайсьці да зьместу

Аляксандар Буцько

Зьвесткі зь Вікіпэдыі — вольнай энцыкляпэдыі
Аляксандар Буцько
Пэрсанальная інфармацыя
Нарадзіўся 11 лютага 1997(1997-02-11)[1][2] (29 гадоў)
Рост 185 см[4]
Вага 84 кг[2]
Пазыцыя нападнік
Клюбная інфармацыя
Клюб Іслач
Нумар 70
Клюбы
Гады Клюб Гульні (галы)¹
2015—2017 Нёман Горадня 0 (0)
2017 → Ліда 26 (2)
2020 Чайка Зэльва[d] 7 (0)
2020—2022 Астравец 51 (19)
2023 Лякаматыў Гомель 14 (12)
2023 Тарпэда-БелАЗ 7 (0)
2024 Іслач 20 (9)
2025 Гомель 13 (1)
2025 Маладэчна-2018 14 (1)
2026—4 Іслач

Алякса́ндар Буцько́ (нар. 11 лютага 1997 году) — беларускі футбаліст, нападнік прысталічнай «Іслачы».

Выхоўваўся ў акадэміі гарадзенскага «Нёману», у дублюючым складзе якога пачаў выступаць у 2015 годзе. У 2017 годзе футбаліст далучыўся да «Ліды» на правах арэнднага пагадненьня. Дэбютаваў за першалігавы клюб 8 красавіка 2017 году ў матчы супраць «Смалявічаў-СТІ», выйшаўшы на замену ў пачатку другога тайму. Дэбютным голам адзначыўся 20 траўня 2017 году ў матчы супраць шацілавіцкага «Хіміка». Нападнік адразу ж замацаваўся ў асноўнай камандзе лідзкага клюбу, аднак пераважна зьяўляўся на полі з лавы запасных. Пасьля заканчэньня тэрміну арэнднай дамовы пакінуў лідзкую каманду[5]. У 2018 годзе ўзяў перапынак у футбольнай кар’еры ў сувязі з службай у войску, а пазьней працаваў у МНС. У пачатку 2020 году пачаў гуляць за зэльвенскую «Чайку». У канцы ліпеня 2020 году далучыўся да «Астраўца»[6]. У новай камандзе хутка замацаваўся ў астравецкім клюбе, разам зь якім у 2021 годзе стаў пераможцам Другой лігі.

У студзені 2023 году футбаліст перайшоў у гомельскі «Лякаматыў»[7]. Дэбютаваў за каманду 2 красавіка 2023 году ў матчы супраць «Маладэчна-2018». У наступным матчы 8 красавіка 2023 году супраць петрыкаўскага «Шахцёра» вызначыўся дэбютным загнаным голам і галявой перадачай. У матчы 31 траўня 2023 году ў межах Кубка Беларусі супраць «Смаргоні-2» футбаліст аформіў покер. Чарговым дублем за клуб вызначыўся 1 ліпеня 2023 году ў матчы супраць «Баранавічаў». За першую палову сэзону вызначыўся 16 галамі. У жніўні 2023 году футбаліст прыяднаўся да жодзінскага «Тарпэда-БелАЗ»[8]. Запачаткаваў выступы ў Найвышэйшай лізе 30 верасьня 2023 году ў матчы супраць барысаўскага БАТЭ, выйшаўшы на замену на 68-й хвіліне. Да заканчэньня сэзону перадусім выходзіў на пляцоўку з лавы запасных, а паводле вынікаў сэзону стаў бронзавым мэдалістам. У сьнежні 2023 году Буцько перайшоў у мазырскую «Славію»[9]. У лютым 2024 году зьявілася інфармацыя, што футбаліст можа пакінуць мазырскі клюб, праз усяго толькі 3 месяцы па падпісаньні кантракту[10]. Неўзабаве футбаліст афіцыйна пакінуў клюб, скасаваўшы кантракт на ўзаемную згоду бакоў[11]. У сакавіку 2024 году футбаліст далучыўся да «Іслачы», падпісаўшы кантракт да канца сэзону[12]. У складзе прысталічнай каманды дэбютаваў у Лізе канфэрэнцыяў УЭФА, дзе ў матчы супраць «Ля Фіярыты» сваім адзіным голам прынёс беларускаму клюбу перамогу[13]. У другой палове сэзону пачаў адзначацца галамі часьцей. 23 лістапада 2024 году ўчыніў хет-трык у браму магілёўскага «Дняпра»[14]. Сэзон 2025 году згуляў у «Гомлі» і «Маладэчне-2018». На пачатку 2026 году зноў вярнуўся да «Іслачы»[15].

  1. ↑ https://teams.by/aleksandr-butko/player-157188/
  2. 1 2 https://fcisloch.by/player.asp?id=Аlekсandr-Bуtko-753&season=2025MEN
  3. ↑ Aleksandr Butko // Transfermarkt (мн.) — 2000.
  4. ↑ https://www.transfermarkt.world/aleksandr-butko/profil/spieler/351725
  5. ↑ Шестеро игроков покинули "Лиду". football.by (30.11.2017). Архіўная копія ад 02.09.2023 г.
  6. ↑ Бутько и Белевич перешли в "Островец". football.by (28.07.2020). Архіўная копія ад 01.08.2023 г.
  7. ↑ Бутько сменил "Островец" на "Локомотив". football.by (28.01.2023). Архіўная копія ад 02.09.2023 г.
  8. ↑ К рядам «автозаводцев» присоединился Александр Бутько. torpedo-belaz.by (04.08.2023). Архіўная копія ад 02.09.2023 г.
  9. ↑ "Славия" объявила о подписании контракта с форвардом "Торпедо-БелАЗа". football.by (21.12.2023). Архіўная копія ад 22.12.2023 г.
  10. ↑ Александр Бутько может покинуть «Славию». bel.football (21.02.2024). Архіўная копія ад 21.02.2024 г.
  11. ↑ Бутько покинул "Славию" спустя два месяца после подписания контракта. football.by (22.02.2024). Архіўная копія ад 22.02.2024 г.
  12. ↑ Александр Бутько заключил контракт с «волками» до конца года. fcisloch.by (14.03.2024). Архіўная копія ад 04.01.2025 г.
  13. ↑ Лига конференций. Квалификация. Гол Бутько принес "Ислочи" выездную победу в матче с "Ла Фиоритой" из Сан-Марино (рас.). Прессбол (2024-07-11). Праверана 2026-06-16 г.
  14. ↑ Хет-трик Бутько принес три очка "Ислочи" в матче с "Днепром" (рас.). Прессбол (2024-11-23). Праверана 2026-06-16 г.
  15. ↑ Официально: Александр Бутько вернулся в "Ислочь" (рас.). Прессбол (2026-02-10). Праверана 2026-06-16 г.

Вонкавыя спасылкі

[рэдагаваць | рэдагаваць код]