Альфонса I Каталік

	Альфонса I Каталік; гішп. Alfonso I el Católico
	Статуя Альфонса I у Мадрыдзе.
Кароль Астурыі
	739 — 757
Каранацыя	739
Папярэднік	Фавіла
Наступнік	Фруэла I
Асабістыя зьвесткі
Нарадзіўся	693, Кантабрыя
Памёр	757, Кангас-дэ-Оніс, Астурыя
Жонка	Эрмэсында Астурыйская
Бацька	Пэдра

Альфонса I Каталік (па-гішпанску: Alfonso I; 693, Кантабрыя — 757, Кангас-дэ-Оніс, Астурыя) — кароль Астурыі, які кіраваў у 739—757 гадох.

Біяграфія[рэдагаваць | рэдагаваць крыніцу]

Альфонса I, таксама вядомы як Каталік (гішп. el Católico), быў сынам герцага Кантабрыі Пэдра. Чалавек пабожны й адважны, зрабіўшыся каралём, ён значна пашырыў межы сваёй дзяржавы: далучыў да Астурыі ўсё прымор’е да зямлі баскаў, перайшоў праз горы на поўдзень і ўзяў горад Люга ў вярхоўях ракі Міньнё. Затым разам з сынам Фруэлай, ён заваяваў землі паміж Міньнё й Дуэра. Хуткімі набегамі ў розных кірунках Альфонса зьнішчаў і выгнаў мусульманаў, спусташаў іхныя вобласьці, адводзіў хрысьціянаў на поўнач краіны й пасяляў у тых заваяваных гарадох, уладу над якімі спадзяваўся ўтрымаць пад сабой. Сваёй кіпучай дзейнасьцю, заснаваньнем шматлікіх гарадоў і цэркваў, Альфонса набыў любоў народа й духавенства Гішпаніі, і гэтак заслужыў мянушку «Кароль-каталік».