Алег Судлянкоў
Алег Судлянкоў | |
 Сяргей Харэўскі і Алег Судлянкоў (2014) | |
| Дата нараджэньня | 8 траўня 1940 |
|---|---|
| Месца нараджэньня | |
| Дата сьмерці | 13 чэрвеня 2022 (82 гады) |
| Месца сьмерці | |
| Занятак | бібліяфіл, калекцыянэр |
Алег Аляксандравіч Судлянкоў (8 траўня 1940, Хабараўск — 13 чэрвеня 2022, Менск) — беларускі бібліяфіл, калекцыянэр графікі, кніжных знакаў.
Жыцьцяпіс[рэдагаваць | рэдагаваць крыніцу]
Нарадзіўся ў Хабараўску, вучыўся ў сярэдняй школе ў Прыбалтыцы; але большая частка яго жыцьця зьвязана з Беларусьсю і Менскам. Па адукацыі інжынэр (скончыў два політэхнічныя інстытуты — у Менску і ў Ташкенце). Пачаў зьбіраць экслібрысы з 1966 году. Сабраў некалькі тысяч такіх кніжных знакаў.
Аўтар шматлікіх артыкулаў пра экслібрыс у перыядычным друку, а таксама аўтарскіх публікацый у часопісах «Нёман», «Мастацтва». Арганізатар, удзельнік выставачных праектаў. Ахвотай перадаваў для экспазыцыі розных музэяў і выстаў кніжныя знакі са сваёй калекцыі.
Арганізаваў выданьне ў Кіеве некалькіх кніг беларускіх кніжных графікаў — Генадзя Вяля, Рамана Сустава, Юрыя Якавенкі. Дапамог менскаму выдаўцу Але Зьміёвай выдаць сэрыю альбомаў, прысьвечаных творчасьці такіх экслібрысістаў, як Ганна Ціханава, Арлен Кашкурэвіч, Мікола Селяшчук, Юры Якавенка, Генадзь Вяль[1].
Быў добра знаёмы з такімі легендамі і стварэньня кніжнага знака, і яго калекцыяніраваньня, як Сяргей Фарцінскі, Лембіт Лыхмус, Якаў Бэрдзічэўскі, Алег Ласунскі, Валер Палікарпаў, Генадзь Вяль, Фёдар Шурмялёў…
Творы[рэдагаваць | рэдагаваць крыніцу]
Кнігі[рэдагаваць | рэдагаваць крыніцу]
- «Гісторыя беларускіх кніжных знакаў XVI—XX стст.», 2022, выдавецкі дом «Звязда»[2]
Крыніцы[рэдагаваць | рэдагаваць крыніцу]
- ^ Памёр Алег Судлянкоў — вядомы калекцыянер графікі і кніжных знакаў, Звязда, 14-06-2022
- ^ Дзе і чаму з’явіліся кніжныя знакі, Звязда, 17.04.2022