Акрон Тальяці
| Акрон | |
 | |
| Поўная назва | АНО «Футбольный клуб „Акрон“» |
|---|---|
| Заснаваны | 2018 |
| Горад | Тальяці, Расея |
| Стадыён | Самара Арэна Умяшчальнасьць: 42 347 |
| Галоўны трэнэр | |
| Чэмпіянат | Прэм’ер-ліга |
| · 2024—2025 | 9 месца |
 Галерэя здымкаў у Вікісховішчыfcakron.ru (рас.) | |
«Акрон» (па-расейску: Акрон) — расейскі футбольны клюб з гораду Тальяці. Заснаваны ў 2018 годзе і дэбютаваў у Прэм’ер-лізе ў сэзоне 2024—2025 гадоў.
Гісторыя
[рэдагаваць | рэдагаваць]У 2015 годзе Павал Марозаў, які быў дырэктарам і бэнэфіцыярам прамыслова-мэталюргічнай кампаніі «Акрон Холдынг», стварыў футбольны клюб «Акрон»[2]. У 2018 годзе каманда пачала выступаць у першынстве Расеі сярод аматараў у зоне Прыволжа, дзе ў першым сэзоне фінішавала на 3-м радку. У наступным годзе «Акрон» згуляў у Кубку Расеі, дзе даколчыў да 1/32 фіналу, саступіўшы «Мардовіі» ў сэрыі пасьляматчавых пэнальці. Галоўным трэнэрам каманды ў час зь лютага 2019 па кастрычнік 2020 году быў Дзьмітры Емяльянаў. Паводле вынікаў сэзону 2020—2021 гадоў каманда спынілася на 17-м месцы ў ФНЛ, але тальяцінцы захавалі прапіску ў другім дывізіёне дзякуючы «Тамбову», які ня стаў праходзіць ліцэнзаваньне[3].
У сьнежні 2021 году галоўным трэнэрам «Акрона» быў прызначаны гішпанскі адсыловец Рамон Трыбульетч[4]. Але 19 студзеня 2022 году стала вядома, што Трыбульетч праз брак неабходнай ліцэнзіі ня зможа ачольваць дружыну, таму быў пераведзены на пасаду тэхнічнага дырэктара, а трэнэрам зноў стаў Емяльянаў[5][6]. Перад пачаткам вясновай часткі першынства першага дывізіёну галоўным трэнэрам быў прызначаны Віталь Паноў[7]. У чэрвені 2022 году «Акрон» увайшоў у структуру кіраваньня Акадэміі футболу імя Юрыя Канаплёва[8]. У верасьні 2022 году, па звальненьні Панова, «Акрон» прызначыў новага трэнэра, кім стаў Яўген Калешын[9]. У Кубку Расеі 2022—2023 гадоў клюб сэнсацыйна дайшоў да фіналу шляху рэгіёнаў, выбіўшы на сваім шляху сталічныя клюбы «Спартак», «Лякаматыў», «Дынама», але прагуляўшы на наступным этапе «Краснадару» толькі па пэнальці[10].
Па заканчэньні заключнага матчу першай часткі сэзону 2023—2024 гадоў у Першай лізе клюбам была абвешчаная пастанова аб спыненьні працоўных дачыненьняў з Калешыным праз рознагалосьсі на шляху разьвіцьця, «Акрон» на той момант займаў трэці радок з адставаньнем у два пункты ад лідэра[11]. Паводле вынікаў сэзону 2023—2024 гадоў «Акрон» заняў 3-е месца і атрымаў права ўзяць удзел у пераходных матчах за права выступаць у Прэм’ер-лізе. 1 чэрвеня 2024 году тальяцінская каманда ўпершыню ў сваёй гісторыі прабілася ў Прэм’ер-лігу, абгуляўшы паводле сумы двух матчаў «Урал»[12]. З пачаткам выступаў у найвышэйшай лізе «Акрон» ладзіць свае хатнія матчы на стадыёне Самара Арэна[13].
Склад
[рэдагаваць | рэдагаваць]- Актуальны на 17 верасьня 2025 году
|
|
.svg){kind=small}
Крыніцы
[рэдагаваць | рэдагаваць]- ^ https://www.transfermarkt.com/akron-togliatti/mitarbeiterhistorie/verein/71985
- ^ Алексей Гусев. «Могли бы выиграть крупнее». Как молодой футбольный клуб из Тольятти разгромил «Динамо», «Спартак» и «Локомотив». Lenta.ru.
- ^ «Акрон» остается в ФНЛ. 1fnl.ru.
- ^ Испанец Рамон Трибульетч назначен главным тренером ФК «Акрон». Коммерсант.
- ^ Изменения в тренерском штабе ФК «Акрон». ФК «Акрон».
- ^ «Акрон» заявил Дмитрия Емельянова главным тренером. 1fnl.ru.
- ^ Виталий Панов — новый главный тренер ФК «Акрон». ФК «Акрон».
- ^ ФК «Акрон» вошёл в структуру управления Академии Коноплёва. Volga.News.
- ^ Евгений Калешин возглавил «Акрон». Спорт-Экспресс.
- ^ «Краснодар» по пенальти победил «Акрон» и сыграет с «Уралом» за место в суперфинале Кубка России. Спорт-Экспресс.
- ^ «Акрон» отправил в отставку Калешина из‑за «разногласий в пути развития». Sportbox.ru.
- ^ «Акрон» по сумме двух стыковых матчей победил «Урал» и впервые в истории сыграет в РПЛ. Матч-ТВ.
- ^ В «Акроне» сообщили, что будут выступать на «Самара Арене» в случае выхода в РПЛ. Матч-ТВ.