Адміністрацыйна-тэрытарыяльны падзел Баўгарыі

Адміністрацы́йна-тэрытарыя́льны падзе́л Баўга́рыі 2-хузроўневы.

Першы ўзровень:

• Вобласьці Баўгарыі
• Сафія

Вобласьці падзеленыя на 265 грамадаў (другі ўзровень).

Вобласьці Баўгарыі: 1. Благоеўградзкая, 2. Бургаская, 3. Варнаўская, 4. Вялікатырноўская, 5. Відынская, 6. Врачанская, 7. Габраўская, 8. Дабрыцкая, 9. Кырджалійская, 10. Кюстэндыльская, 11. Ловецкая, 12. Мантанская, 13. Пазарджыцкая, 14. Перніцкая, 15. Плевенская, 16. Плоўдзіўская, 17. Разградзкая, 18. Русенская, 19. Сілістрынская, 20. Сьлівенская, 21. Смалянская, 22. Сафія-горад, 23. Сафійская, 24. Старазагорская, 25. Тыргавішцкая, 26. Хаскаўская, 27. Шуменская, 28. Ямбальская

Сучасны падзел

Грамады

Асноўны артыкул: Грамада (Баўгарыя)

Адміністрацыйна-тэрытарыяльныя адзінкі з самакіраваньнем. У Баўгарыі налічваецца 265 грамадаў.

Вобласьці

Асноўны артыкул: Вобласьць (Баўгарыя)

Цяперашнія 28 абласьцей створаныя загадам прэзыдэнта Баўгарыі ў 1999 року, іхнія граніцы супадаюць з граніцам акругаў, якія існавалі ў 1959—1987 роках.

Статыстычныя рэгіёны

Асноўны артыкул: Сьпіс статыстычных рэгіёнаў Баўгарыі

Статыстычныя рэгіёны Эўразьвязу не зьяўляюцца адміністрацыйна-тэрытарыяльнымі адзінкамі і створаныя выключна дзеля патрабаваньня Эўрастату.

Узровень	Падзел	Лік
NUTS 1	Раёны	2
NUTS 2	Плянаваныя раёны	6
NUTS 3	Вобласьці	28

Узровень	Падзел	Лік
LAU 1	Грамады	264
LAU 2	Населеныя пункты	5329

Мінуўшчына

За Асманскай імпэрыяй тэрыторыя Баўгарыі падзялялася на вілаеты, санджакі, каазы, нахіі, бэледыеты і мэджлісы.

Пасьля вызваленьня Баўгарыі расейскі цывільны кіраўнік князь Уладзімер Чаркаскі перайменаваў санджакі ў губэрні, каазы — у акругі, нахіі — у воласьці, бэледыеты і мэджлісы — у грамады (мескія і вясковыя).

У 1880 року Баўгарскае княства было падзеленае на 21 акругу і 58 валасьцей. У 1882 року адбылася першая тэрытарыяльная рэформа, паводле якой губэрні былі скасаваныя, краіна падзеленая на 14 акругаў і 56 валасьцей.

У 1901 праведзеная другая адміністрацыйна-тэрытарыяльная рэформа, паводле якой былі створаныя 12 абласьцей, 71 воласьць і грамада.

Акругі Баўгарскага царства (1915—1918 рр.)

Пасьля перавароту 19 траўня 1934 року праведзеная новая адміністрацыйна-тэрытарыяльная рэформа, замест акругаў створаныя 7 новых абласьцей: Сафійская, Плоўдзіўская, Старазагорская, Бургаская, Шуменская, Плевенская, Врачанская.

Вонкавыя спасылкі

• Нацыянальны рэгістар населеных пунктаў  (баўг.)