Аб’ект 685
 | Гэты артыкул патрабуе ўдакладненьня артаграфіі. Вы можаце дапамагчы Вікіпэдыі, адрэдагаваўшы яго (дапамога). |
| Аб’ект 685 | |
|---|---|
 | |
| Тып танка: | Лёгкі танк |
| Кампанаваньне: | клясычнае |
| Павозка (экіпаж), чал.: | 3 |
| Гісторыя: | |
| Гісторыя вытворчасьці: | |
| Вытворца: |  Курганскі машынабудаўнічы завод |
| Гады вытворчасьці: | 1975 |
| Усяго выраблена: | 1 |
| Памеры: | |
| Маса, т: | 16,5 |
| Даўжыня, мм: | 7200 |
| Даўжыня з гарматай, мм: | 9451 |
| Шырыня, м: | 3150 |
| Вышыня, м: | 2250 |
| Клірэнс, м: | 450 |
| Браня: | |
| Тып брані: | супрацькульная |
| Узбраеньне: | |
| Марка гарматы і калібр: | 100-мм. 2А48-1 |
| Тып гарматы: | наразная гармата |
| Боекамплект гарматы: | 40 |
| Прыцэл: | тэлескапічны |
| Кулямёт: | 1 х 7,62-мм ПКТ |
| Тэхнічныя характэрыстыкі: | |
| Магутнасьць рухавіка, к.с.: | 400 |
| Хуткасьць па шашы, км/г: | 70 |
| Хуткасьць па перасечанай мясцовасьці, км/г: | 10 |
| Запас ходу, км: | 600 |
| Тып падвескі: | тарсіённая, з тэлескапічнымі гідраамартызатарамі на 1, 2 і 6 катках |
| Удзельны ціск на грунт, кг/см²: | 24,2 |
| Выявы ў Вікісховішчы | |
Аб’ект 685 - савецкі разьведвальны дэсантаваны лёгка плывучы танк .
Аб’ект 685 распрацоўка курганскага «СКБМ»[1]. Сэрыйна не рабіўся. Вопытны лёгкі плывучы танк, распрацаваны ў 1975 годзе ў Курганскім канструктарскім бюро пад кіраўніцтвам Благанравава А. А.. На ўзбраеньне не прыняты і сэрыйна не вырабляўся. Усе напрацоўкі па гэтым танку былі пасьля выкарыстаны пры праектаваньні "Аб’екта 688" і пазьней БМП-3.
Гісторыя
[рэдагаваць | рэдагаваць код]У 1972 годзе па замове ДАВТУ на Курганскі машынабудаўнічы завод паступіў замову аб вырабе на конкурснай аснове новага лёгкага танка. Танк прызначаўся для замены састарэлага да таго часу ПТ-76 . Работы вяліся на конкурснай аснове паралельна з танкамі Аб’ект 788 і Аб’ект 934 . Досьледныя ўзоры баявой машыны былі прадэманстраваны А. Х. Бабаджаняну і Н. М. Паўлаву, аднак далейшыя работы па машыне былі спыненыя.
Апісаньне канструкцыі
[рэдагаваць | рэдагаваць код]Аб’ект 685 сканструяваны па клясычнай кампанавальнай схеме. Танк меў кандыцыянэр, сыстэму калектыўнай абароны ад паражаючых фактараў і абсталяваньне для самаакопваньня. Таксама танк быў прыстасаваны да дэсантаваньня парашутным спосабам. [1]
Бранявы корпус і вежа
[рэдагаваць | рэдагаваць код]Корпус і вежа вырабляліся зь лістоў лёгкага бранявога тытанавага стопку. Лабавая браня танка вытрымлівала 23-мм снарады. [1]
Узбраеньне
[рэдагаваць | рэдагаваць код]У якасьці асноўнага ўзбраеньня выкарыстоўвалася 100-мм наразная гармата 2А48-1, якая абсталёўвалася гідраўлічным стабілізатарам і аўтаматам зараджаньня. Боекамплект складаўся з 40 стрэлаў. У якасьці дадатковага ўзбраеньня быў устаноўлены 7,62-мм кулямёт ПКТ з боекамплектам 2000 патронаў. Акрамя яго ў машыне былі разьмешчаны 4 ПЗРК " Страла-2 ", для супрацьстаяньня паветраным цэлям. [1]
Таксама на машыне былі ўсталяваныя 8 гранатамётаў сыстэмы пастаноўкі дымавой заслоны 902В «Хмара», для стральбы 81-мм дымавымі гранатамі .
Рухавік і трансьмісія
[рэдагаваць | рэдагаваць код]У якасьці асноўнага рухавіка выкарыстоўваўся шматпаліўны рухавік 2В-06-2 з прамежкавым астуджэньнем паветра і газатурбінным наддувам. Мэханічная трансьмісія і рухавік уяўлялі сабой адзіны блёк. Большасьць вузлоў былі ўніфікаваны з БМП-1 . [1]
Хадавая частка
[рэдагаваць | рэдагаваць код]Шасі мела арыгінальную канструкцыю, падвеска была тарсіённая з усталяванымі тэлескапічнымі гідраамартызатарамі на 1, 2 і 6 катках. Для прадухіленьня скіданьня гусеніц пры павароце танка, на кіроўным коле быў усталяваны абмежавальны дыск. [1]
Для руху па вадзе ў корпусе шасі мелася два вадамётных рухавіка. [1]
Машыны на базе [2] [3] [4]
[рэдагаваць | рэдагаваць код]- Аб’ект 688 - савецкая разьведвальная баявая машына пяхоты
- БМП-3 - баявая браніраваная гусенічная машына, прызначаная для транспарціроўкі асабовага складу да пярэдняга краю, павышэньня яго мабільнасьці, узброенасьці і абароненасьці на полі бою ва ўмовах прымяненьня ядзернай зброі і сумесных дзеяньняў з танкамі ў баі.