Аахэнская катэдра

Аахэнская катэдра анг. Aachener Dom
Сусьветная спадчына ЮНЭСКО
Аахэнская катэдра
Краіна	Нямеччына
Тып	культурны
Крытэры	i, ii, iv, vi
ID	3
Рэгіён	Эўропа і Паўночная Амэрыка
Каардынаты	Праблемы з maplink: Атрыбут «latitude» мае няслушнае значэнне Атрыбут «longitude» мае няслушнае значэнне
Гісторыя ўключэньня
Уключэньне	1978 (2)

Аахэнская катэдра (па-нямецку: Aachener Dom, Aachener Münster, Kaiserdom) — катэдра япархіі Аахэну, у якой на працягу стагодзьдзяў каранаваліся імпэратары Сьвятой Рымскай імпэрыі. Сучасная катэдра складаецца зь некалькіх частак: у сярэдзіне знаходзіцца найстаражытная яе частка — каралінгаўскі актагон (васьмікутнік), які быў пабудаваны яшчэ пры Карле Вялікім у VIII стагодзьдзі. Астатнія яе часткі, у т.л. гатычны хор, былі пабудаваныя ў сярэднявеччы. У 1978 годзе Аахэнская катэдра адной зь першых у сьвеце была уключаная ў Сьпіс Сусьветнай спадчыны ЮНЭСКО.

Гісторыя

Будаўніцтва катэдры распачаў у 800 годзе Карл Вялікі, запрасіўшы для гэтага спэцыялістаў з Рыму й Бізантыі. У 805 годзе катэдра была асьвечаная папам Лявом III. У 814 у Палацавай капліцы быў пахаваны Карл Вялікі. З 936 да 1531 году Аахэнская катэдра была месцам каранацыі трыццаці імпэратараў Сьвятой Рымскай імпэрыі. Трон імпэратара і ў нашыя дні знаходзіцца ў Палацавай капліцы. Каб мець магчымасьць прымаць як мага больш паломнікаў, з 1355 да 1414 быў пабудаваны новы хор.

У скарбніцы катэдры, якая належыць да найбольш значных царкоўных скарбніцаў Паўночнай Эўропы захоўваюцца шэдэўры мастацтва эпохаў Каралінгаў, Атонаў і Штаўфэнаў, сярод якіх Крыж Лётара, бюст Карла Вялікага, саркафаг Празэрпіны і інш.

Галерэя

• 
  Выгляд у начы
• 
  У Актагоне
• 
  Паўднёва-заходні фасад з фігурамі Сьвятых
• 
  Ліхтар Барбаросы
• 
  Выгляд з усходу (Заля Хору, капліца Мацьвея)
• 
  Каралеўскі (імпэратарскі) трон
• 
  Труна Карла Вялікага
• 
  Бюст Карла Вялікага

Вонкавыя спасылкі

• Афіцыйны сайт