Імпульс сілы

І́мпульс сі́лы — фізычная вэктарная велічыня, якая характарызуе дзеяньне сілы на працягу пэўнага прамежку часу. Колькасна імпульс сталай сілы вызначаецца як здабытак сілы на прамежак часу, на працягу якога яна дзейнічала:

$\mathbf {P} _{F}=\mathbf {F} \Delta t$

Імпульс зьменнай сілы вызначаецца шляхам яе інтэграваньня па часе:

$\mathbf {P} _{F}=\int \mathbf {F} dt$

Імпульс сілы, што дзейнічае на матэрыяльны пункт на працягу пэўнага прамежку часу, вызначае зьмяненьне яго імпульса за гэты прамежак часу:

$\mathbf {P} _{F}=\Delta \mathbf {p}$