Ільля II (патрыярх Грузіі)

Каталіко́с-Патрыярх Ільля́ II (груз. კათოლიკოს-პატრიარქი ილია II; у сьвеце Іра́клі Гудушауры-Шыяляшві́лі (груз. ირაკლი გიორგის ძე ღუდუშაური-შიოლაშვილი); 4 студзеня 1933, Арджанікідзэ, Паўночна-Асэтынская АССР, РСФСР — 17 сакавіка 2026, Тбілісі, Грузія) — япіскап Грузінскай праваслаўнай царквы. З 1977 року па 2026 року — прадстаяцель Грузінскай праваслаўнай царквы. Яго архіпастарскае служэнне лічыцца найдаўжэйшым за ўсю гісторыю Грузіі.

Біяграфія

Бацькі — з Казбецкага раёну: бацька, Георгі Сіманавіч Шыяляшвілі, — з сяла Сно; маці, Натальля Ёсіпаўна Кабаідзэ — з сяла Сіёні. У 1927 року яны пераехалі ў Уладыкаўказ. Хрышчаны ў дзень Раства Хрыстовага ў грузінскім храмі; нарачоны Іракліем у гонар грузінскага царя Іраклія II.

Скончыў Маскоўскую духоўную сэмінарыю ў 1957, Маскоўскую духоўную акадэмію ў 1960.

26 жніўня 1963 рукапакладзены ў япіскапы Батумскія й Шэмакмэдскія. Рэктар Мцхецкай духоўнай сэмінарыі (1963—1972). З 1967 япіскап Сухумскі, з 1969 мітрапаліт.

9 лістапада 1977 року, па сьмерці каталікоса-патрыярха Давіда (Дэўдарыяні) рашэньнем Сьв. Сыноду быў прызначаны выканаўцам абавязкаў патрыяршага стальцу.

23 сьнежня 1977 року быў абраны Каталікосам-Патрыярхам; інтранізацыя адбылася 25 сьнежня .

У 1978–1983 роках быў прэзыдэнтам Усясьветнае рады цэркваў.

Пры ім адбылося маштабнае адраджэньне праваслаўя ў Грузіі ў 1980-я рокі. Пачынаючы з 1989 неаднаразова дзейнічаў як пасярэднік між варожымі палітычнымі бакамі. Браў удзел у стварэньні Праваслаўнай Энцыкляпэдыі, дзе разьмешчаны яго артыкул пра Грузінскую царкву.

У апошнія гады жыцьця стрымліваўся ад публічных выступаў і праходзіў лячэньне за мяжой.

Памёр у Тбілісі 17 сакавіка 2026 року пасьля трывалай хваробы.

Узнагароды

• 1972 — Ордэн сьвятой роўноапостальнай Ніны;
• 1977 — Ордэн сьвятогга вялікамучаніка Георгія Пераможца;
• 1977 — Ордэн сьвятога Яана Рыльскага I ступені;
• Ордэн Дружбы народаў;
• 1997 — Ордэн Давіда Агмашэнэбэлі;
• 2003 — Прэзыдэнцкі ордэн Сяйво (Грузія);
• 2005 — Ордэн «Слава» (Азэрбайджан);
• Ордэн князя Яраслава Мудрага III ст. (Украіна)
• 2008 — Залаты ордэн хітона Гаспадняга;
• 2008 — Ордэн Культурнай спадчыны;
• 2010 — Прэзыдэнцкі ордэн Сяйво;
• 2011 — Ордэн сьв. Уладзіміра I ступені;
• 2013 — Ордэн «Славы і Гонару» I ступені;
• Ордэн князя Яраслава Мудрага I ст. (Украіна)
• Ордэн «За заслугі» I ст. (Украіна)

Званьні

• Ганаровы сябра Маскоўскай духоўнай акадэміі (1978);
• Ганаровы доктар багаслоўя Нью-Ёрскай духоўнай акадэміі (1991);
• Дзейсны сябра Міжнароднай акадэміі інфарматызацыі пры ААН;
• Ганаровы сябра Крыцкай духоўнай акадэміі (1997);
• Ганаровы доктар багаслоўя Сьвята-Ціханаўскай духоўнай сэмінарыі Праваслаўнай Царквы ў Амэрыцы (1998);
• Ганаровы доктар багаслоўскіх навук Тбіліскага дзяржаўнага ўнівэрсытэту (2003);
• Ганаровы сябра Акадэміі навук Грузії (2005);
• Ганаровы доктар багаслоўя «Honoris causa» Кіеўскай духоўнай акадэміі (2011);
• Ляўрэат прэміі Міжнароднага фонду адзінства праваслаўных народаў «За асаблівы заслугі ў справе ўзмацненьня братніх сувязей між праваслаўнымі народамі і Цэрквамі».

Спасылкі

• Каталікос-патрыярх Грузіі на афіцыйным сайце ГПЦ (груз.)