Ігар Т’ягу
| Ігар Т’ягу | ||
.jpg) | ||
| Пэрсанальная інфармацыя | ||
|---|---|---|
| Нарадзіўся | 26 чэрвеня 2001 (25 гадоў) | |
| Рост | 1,93 м | |
| Пазыцыя | нападнік | |
| Клюбная інфармацыя | ||
| Клюб | Брэнтфард | |
| Нумар | 9 | |
| Клюбы | ||
| Гады | Клюб | Гульні (галы)¹ |
| 2020—2022 | Крузэйру | 60 (9) |
| 2022—2023 | Лудагорац | 34 (16) |
| 2023—2024 | Бруге | 34 (18) |
| 2024— | Брэнтфард | 45 (22) |
| Зборныя | ||
| 2026— | Бразылія | 2 (1) |
|
¹ Колькасьць гульняў і галоў за прафэсійны клюб лічыцца толькі | ||
І́гар Т’я́гу Насымэ́нту Радры́гес (па-партугальску: Igor Thiago Nascimento Rodrigues; нар. 26 чэрвеня 2001 году) — бразыльскі футбаліст, нападнік ангельскага клюбу «Брэнтфард» і нацыянальнай зборнай Бразыліі.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код].jpg)
У юнацтве пачынаў з футзалу, але пераключыўся на футбол. У студзені 2020 году дэбютаваў у складзе «Крузэйру» ў Лізе Мінэйру. У сакавіку 2022 году прыяднаўся да баўгарскага «Лудагорцу»[2]. Дэбютаваў у лігавым матчы супраць сталічнага ЦСКА, калі бразылец выйшаў на замену і адзначыўся першым голам[3]. 12 чэрвеня 2023 году Т’ягу падпісаў чатырохгадовы кантракт з бэльгійскім клюбам «Бруге»[4]. Атрыманая «Лудагорцам» сума ў 7,9 млн эўра стала рэкорднай для баўгарскага клюбу[5]. 14 лютага 2024 году ангельскі «Брэнтфард» абвесьціў пра дамоўленасьць наконт складаньня ўгоды з нападнікам на пяцігадовы тэрмін[6]. Сума не была выкрытая, але паведамлялася, што яна мела складаць блізу рэкордных для клюбу 30 млн фунтаў стэрлінгаў[7]. Гулец праз траўму прапусьціў большую частку сэзону 2024—2025 гадоў, а вось наступны стаў прарыўным. Ён аформіў свой першы хет-трык за «пчолаў» у гасьцявым пераможным матчы супраць «Эвэртану» 4 студзеня 2026 году[8]. Бразылец завяршыў сэзон з 22 галамі, саступіўшы ў бамбардзірскай гонцы толькі Эрлінгу Голяну[9].
Міжнародная
[рэдагаваць | рэдагаваць код]Нарадзіўшыся ў Бразыліі, Т’ягу ў 2023 годзе атрымаў баўгарскі пашпарт, што зрабіла яго даступным для выступаў за зборную Баўгарыі пры ўмове пяцігадовага пражываньня, акрамя нацыянальнай зборнай Бразыліі[10][11]. 16 сакавіка 2026 году, займаючы другое месца ў бамбардзірскай гонцы Прэм’ер-лігі, нападнік упершыню атрымаў выклік у зборную Бразыліі на таварыскія матчы супраць зборных Францыі і Харватыі[12].
Дасягненьні
[рэдагаваць | рэдагаваць код]«Лудагорац»:
- Чэмпіён Баўгарыі: 2022, 2023
- Уладальнік Кубка Баўгарыі: 2023
- Уладальнік Супэркубка Баўгарыі: 2022
«Бруге»:
- Чэмпіён Бэльгіі: 2024
Крыніцы
[рэдагаваць | рэдагаваць код]- ↑ Costa M. Ex-Cruzeiro, Thiago superou infância difícil e hoje brilha na Europa (бр. парт.) — 2023.
- ↑ Тиаго и Групер: Идваме в голям клуб. PFC Ludogorets Razgrad. Архіўная копія ад 15.04.2023 г.
- ↑ Лудогорец с шампионска победа над ЦСКА-София. PFC Ludogorets Razgrad. Архіўная копія ад 30.04.2022 г.
- ↑ Igor Thiago moves to Club Brugge. Club Brugge KV (12.06.2023). Архіўная копія ад 12.06.2023 г.
- ↑ Лудогорец реализира рекорден трансфер. PFC Ludogorets Razgrad (12.06.2023). Архіўная копія ад 12.06.2023 г.
- ↑ Brentford Sign Forward Igor Thiago. Brentford FC (14.02.2024).
- ↑ Brentford announce £30m signing of Club Brugge striker Igor Thiago // The Guardian, 14.02.2024 г.
- ↑ Rajan, Adwaidh (04.01.2026) Everton 2–4 Brentford: Igor Thiago hat-trick helps the Bees ease past the hosts. BBC Sport.
- ↑ Coverdale, David (24.05.2026) EVERYTHING that's been decided in 2025/26 Premier League. Premier League.
- ↑ В Белгия: Тиаго може да е от изключителна полза за България. Gong.bg.
- ↑ Гласят сензацията Игор Тиаго за национал на България. Gol.
- ↑ Brazil: Brentford's Igor Thiago and Bournemouth's Rayan receive first call-ups. BBC Sport (16.03.2026).