Ігар Случак

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Ігар Случак
Ihar Sluchak.jpg
Асабістыя зьвесткі
Нарадзіўся: 9 кастрычніка 1984 (34 гады)
Сьвяцілавічы, Веткаўскі раён, Беларусь
Адукацыя: Гомельскі дзяржаўны машынабудаўнічы каледж[d], Гомельскі дзяржаўны ўнівэрсытэт і Тартускі ўнівэрсытэт

І́гар Уладзі́меравіч Случа́к (нар. 9 кастрычніка 1984, в. Сьвяцілавічы Веткаўскага раёну Гомельскай вобласьці) — юрыст[1], беларускі палітык[2][3][4][5]. Балятаваўся на выбарах ў Палату Прадстаўнікоў Беларусі 2012 году па Гомельскай-Савецкай выбарчай акрузе №34.[6]

Біяграфія[рэдагаваць | рэдагаваць крыніцу]

Навучаўся ў Гомельскім дзяржаўным машынабудаўнічым тэхнікуме, пасьля на юрыдычных факультэтах Гомельскага дзяржаўнага ўнівэрсытэту імя Францішка Скарыны[7] і Тартускага ўнівэрсытэту (Эстонія)[8][9] па спэцыяльнасьць — «Правазнаўства».

Палітычная дзейнасьць[рэдагаваць | рэдагаваць крыніцу]

Мапа кампаніі «Справаводзтва па-беларуску!». Адказы раённых і гарадзкіх выканаўчых камітэтаў. Чырвоным — адказы па-расейску, жоўтым — спачатку па-расейску, пасьля па-беларуску, зялёным — па-беларуску, шэрым — няма адказу

Быў даверанай асобай кандыдатаў у дэпутаты на мясцовых выбарах 2007 году й парлямэнцкіх выбарах 2008 году. У 2010 і 2014 годзе балятаваўся ў дэпутаты Гомельскага гарадзкога Савету дэпутатаў[10], у 2014 годзе — у Гомельскі абласны Савет дэпутатаў. На выбарах ў Палату Прадстаўнікоў Беларусі 2012 году па Гомельскай-Савецкай выбарчай акрузе №34 набраў 4,9% галасоў (2267 чалавек) і заняў 3 месца з чатырох кандыдатаў[11].

Грамадзкая дзейнасьць[рэдагаваць | рэдагаваць крыніцу]

18 ліпеня 2009 году распачаў грамадзянскую ініцыятыву «Справаводзтва па-беларуску!»[12], мэтай якой зьяўляецца перавод справаводзтва ў дзяржаўных установах і іншых установах і арганізацыях на беларускую мову, зьмяненьне заканадаўства аб мовах і павышэньне статусу беларускай мовы ў Беларусі[13][14][15][16][17][18].

Як працяг лябіраваньня заканадаўчых зьменаў у кірунку павышэньня статусу беларускай мовы была ініцыятыва пэрсанальнага звароту да кожнага дэпутату Палаты прадстаўнікоў Парлямэнту Беларусі з прапановай унёску зьменаў у закон «Аб мовах» [19][20][21], а таксама ў Законы «Аб абароне правоў спажыўцоў»[22][23][24][25] і «Аб рэкляме»[26].

31 сакавіка 2010 году ініцыяваў доўгатэрміновую пэрсанальную кампанію «Народны дэпутат», накіраваную на вырашэньне праблем гараджан у сфэры жыльлёва-камунальнай гаспадаркі і прававой сфэры.[27]

Зьяўляўся сябрам сябрам грамадзкага аб’яднаньня «Прававая Ініцыятыва»[28].

Культурніцкая дзейнасьць[рэдагаваць | рэдагаваць крыніцу]

Быў адным з заснавальнікаў беларускамоўнага друкаванага сродку масавай інфармацыі — малатыражнай (299 асобнікаў) газэты «Гомельскія Навінкі», што выходзіць з 2007 году. У 20102011 зьяўляўся намесьнікам старшыні Гомельскае мескае арганізацыі Грамадзкага аб’яднаньня «Таварыства беларускай мовы імя Францішка Скарыны.

Займаецца дасьледваньнем гісторыі беларускага студэнцтва Тартускага ўнівэрсытэту ў пэрыяд з 1632 па 1918 гады[8]. Асноўная тэматыка дасьледаваньняў зьвязана з вывучэньнем пэрыяду навучаньня ў Тартускім унівэрсытэце Антона Луцкевіча, Усевалада Ігнатоўскага, Радаслава Астроўскага, а таксама студэнтаў Гомельшчыны[9] і беларускіх студэнцкіх арганізацыяў Тартускага ўнівэрсытэту.

Цытаты[рэдагаваць | рэдагаваць крыніцу]

« У нас жа абсалютна дзікая сытуацыя. Кажуць, маўляў, беларусы ня хочуць размаўляць па-беларуску. А чаму ім па-расейску хочацца? Таму што законы — па-расейску, абслугоўваньне — па-расейску, этыкеткі — па-расейску, унівэрсытэты — па-расейску.

Я калі прыйшоў у тэхнікум пасьля беларускамоўнай школы, не разумеў тэрмінаў, таму што па-беларуску яны гучалі зусім інакш. Мне давялося зноў перавучвацца на расейскую мову. Хіба я хацеў па-расейску вучыцца? Ды ў мяне не было ніякага выбару. І ва ўсіх няма выбару. [29]

»

Крыніцы[рэдагаваць | рэдагаваць крыніцу]

  1. ^ «У нашай вёсцы дзеці кпілі з тых, хто размаўляе па-расейску». Юрыст Ігар Случак у «Мове нанова»
  2. ^ Политик из Гомеля намерен стать «народным депутатом»
  3. ^ Малады палітык з Гомелю, Ігар Случак зьвярнуўся да кіраўніка Нацбанка Пятра Пракаповіча з просьбай папярэдзіць аб наступнай дэвальвацыі беларускага рубля.
  4. ^ Дэпутацкі маразм на моўным грунце ў Беларусі
  5. ^ Депутатський маразм на мовному ґрунті в Білорусі
  6. ^ Избирательный округ Гомельский-Советский № 34
  7. ^ Игорь Случак. Станет ли «учреждение образования» настоящим университетом? «Народная Воля»
  8. ^ а б Ігар Случак. БНР задумлялася і тут. «Наша Ніва»
  9. ^ а б Ці могуць штрафы за абразу мовы дапамагчы ў яе папулярызацыі?
  10. ^ Партии приступили к выдвижению представителей в участковые комиссии
  11. ^ Сведения о результатах голосования по выборам депутатов Палаты представителей Национального собрания Республики Беларусь пятого созыва 23 сентября 2012 года(рас.)
  12. ^ Пэрсанальная кампанія Ігара Случака «Справаводства па-беларуску!»
  13. ^ Ці будзе справаводства беларускамоўным? «Народная Воля»
  14. ^ Ігар Случак. Чаму няма месца беларускамоўю ў Беларусі, або Ці можна лічыць маю перапіску з чыноўнікамі «законченной» «Народная Воля»
  15. ^ Хойникский исполком белорусизироваться не желает, ссылаясь на президента
  16. ^ ТБМ предлагает назначать на должность судей людей, владеющих белорусским языком
  17. ^ Ігар Случак. Гульня з лічбамі, мовай і беларусамі "Наша Ніва"
  18. ^ Калі чыноўнікі загавораць па-беларуску?
  19. ^ Каардынатар кампаніі «Справаводства па-беларуску» Ігар Случак накіраваў кожнаму са 110 дэпутатаў Палаты прадстаўнікоў персанальную прапанову ўнесці змены ў Закон аб мовах.
  20. ^ Координатор кампании «Делопроизводство по-белорусски!» Игорь Случак направил каждому из 110 депутатов Палаты представителей персональное предложение внести изменения в закон «О языках».
  21. ^ У палаце прадстаўнікоў лічаць «немэтазгоднай» і «выдатковай» падтрымку беларускай мовы
  22. ^ [http://nn.by/?c=ar&i=182062 Змяненні ў законе «Аб абароне правоў спажыўцоў» могуць замацаваць статус беларускай мовы як практычна непатрэбнай http://nn.by/?c=ar&i=182062&mo=2fad4b103c73e5a577ad355e81daf5e34d9b63f1]
  23. ^ [https://www.racyja.com/hramadstva/igar-sluchak-daslau-listy-usim-tavarys/ Ігар Случак даслаў лісты ўсім таварыствам абароны спажыўцоў Чытай больш на: https://www.racyja.com/hramadstva/igar-sluchak-daslau-listy-usim-tavarys/]
  24. ^ Этыкеткі толькі па-беларуску забароненыя паводле СТБ 1100-2016? Так, але не зусім
  25. ^ «Беларуская таксама дзяржаўная». Матолька і Случак стварылі петыцыю за дзве мовы на этыкетках
  26. ^ Ці выратуе родную мову квота на рэкламу па-беларуску?
  27. ^ Политик из Гомеля намерен стать «народным депутатом» при любом случае
  28. ^ Працяг разгляду справы Ігара Случака — 31 жніўня
  29. ^ «Здаралася, па 20 пагроз на дзень ад расіян прыходзіла» — гутарка з культавым абаронцам мовы Ігарам Случакам // Наша ніва

Вонкавыя спасылкі[рэдагаваць | рэдагаваць крыніцу]