Іван Бахар
| Іван Бахар | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 10 ліпеня 1998[1][2] (27 гадоў) | |
| Рост | 177 см[3] | |
| Вага | 60 кг[4] | |
| Пазыцыя | флянгавы паўабаронца | |
| Клюбная інфармацыя | ||
| Клюб | Дынама Менск | |
| Нумар | 17 | |
| Клюбы | ||
| Гады | Клюб | Гульні (галы)¹ |
| 2014—2019 | Менск | 81 (14) |
| 2020—2022 | Дынама Менск | 77 (22) |
| 2023 | Гапаэль Іроні | 14 (2) |
| 2023 | Дынама Менск | 14 (5) |
| 2024 | Арсэнал Тула | 10 (0) |
| 2024— | Дынама Менск | 12 (0) |
| Зборныя | ||
| 2017—2019 | Беларусь (да 21) | 11 (6) |
| 2019— | Беларусь | 30 (2) |
|
¹ Колькасьць гульняў і галоў за прафэсійны клюб лічыцца толькі | ||
Іва́н Ба́хар (нар. 10 ліпеня 1998 году) — беларускі футбаліст, нападнік менскага «Дынама» і нацыянальнай зборнай Беларусі.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец футбольнага клюбу «Менск», зь якім з 2014 году пачаў выступаць за дубль і хутка замацаваўся ў ягоным складзе. 29 лістапада 2014 году дэбютаваў у Найвышэйшай лізе ў асноўнай камандзе «Менску», зьявіўшыся на зьмену на 73-й хвіліне матчу супраць берасьцейскага «Дынама» (5:2) і стаўшы, такім чынам, наймаладзейшым гульцом Найвышэйшай лігі 2014 году. У 2015—2016 гадах працягваў выступаць за дубль менчукоў, толькі эпізадычна зьяўляючыся ў асноўнай дружыне. У сэзоне 2017 году «Менск» пастанавіў рухацца ў напрамку амаладжэньня, і Бахар разам зь іншымі маладымі футбалістамі стаў трывала прыцягвацца да асноўнага складу. Нярэдка выхадзіў у стартавым складзе клюбу, і звычайна выкарыстоўваўся на пазыцыі левага паўабаронцы.
У студзені 2018 году падоўжыў кантракт са сталічным клюбам[5]. У сэзоне 2018 году стаў адным з асноўных гульцоў каманды. У сакавіку 2019 году яшчэ на год падоўжыў пагадненьне зь «Менскам»[6]. У сэзоне 2019 году працягваў трывала гуляць у стартавым складзе, з 7 галамі стаў другім бамбардзірам каманды.
У сьнежні 2019 году стаў гульцом менскага «Дынама»[7], дзе таксама замацаваўся ў аснове. У 2021 годзе шмат адсутнічаў праз траўмы, у 2022 годзе вярнуў месца ў аснове, з 11 галамі стаўшы найлепшым бамбардзірам каманды ў сэзоне. У сьнежні 2022 году перайшоў да складу ізраільскага «Гапаэль Іроні»[8]. З чэрвеня 2023 году стаў трэнавацца зь менскім «Дынама» і ў ліпені склаў працоўнае пагадненьне з клюбам[9]. У сьнежні 2023 году перайшоў у тульскі «Арсэнал»[10], зь якім ня здолеў вярнуцца ў расейскую Прэм’ер-лігу. У канцы чэрвеня 2024 году вярнуўся да сталічнага «Дынама»[11]. Праз паўгады працягнуў супрацу з клюбам[12].
Міжнародная
[рэдагаваць | рэдагаваць крыніцу]У 2014—2015 гадах выступаў за юнацкую зборную Беларусі (да 17), якой дапамог выйсьці ў элітны раўнд чэмпіянату Эўропы. Увосень 2015 году ў складзе юніёрскай зборнай Беларусі (да 19) прымаў удзел у кваліфікацыйным раўндзе чэмпіянату Эўропы. На наступны год у кваліфікацыі чэмпіянату Эўропы забіў вырашальны гол у матчы супраць зборнай Баўгарыі (1:0), які дапамог беларусам выйсьці ў элітны раўнд. 31 траўня 2017 году дэбютаваў у моладзевай зборнай Беларусі, адгуляўшы другі тайм таварыскага матчу супраць зборнай Расеі (0:7). Стаў адным з асноўных гульцоў моладзевай зборнай.
6 верасьня 2019 году дэбютаваў у нацыянальнай зборнай Беларусі ў адборачным матчы чэмпіянату Эўропы супраць зборнай Эстоніі, выйшаўшы на замену ў другім тайме.
Дасягненьні
[рэдагаваць | рэдагаваць крыніцу]- Чэмпіён Беларусі: 2023, 2024
- Бронзавы прызэр чэмпіянату Беларусі: 2021
- Уладальнік Супэркубка Беларусі: 2025
- У сьпісе 22 найлепшых футбалістаў чэмпіянату Беларусі: 2022
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Менск | 2015 | Найвышэйшая ліга | 2 | 0 |
| 2016 | Найвышэйшая ліга | 1 | 0 | |
| 2017 | Найвышэйшая ліга | 23 | 2 | |
| 2018 | Найвышэйшая ліга | 25 | 5 | |
| 2019 | Найвышэйшая ліга | 29 | 7 | |
| Дынама Менск | 2020 | Найвышэйшая ліга | 29 | 7 |
| 2021 | Найвышэйшая ліга | 18 | 4 | |
| 2022 | Найвышэйшая ліга | 30 | 11 | |
| 2023 | Найвышэйшая ліга | 14 | 5 | |
Крыніцы
[рэдагаваць | рэдагаваць крыніцу]- ^ а б в Ivan Bakhar // Transfermarkt (мн.) — 2000.
- ^ а б в Ivan Bakhar // FBref (мн.)
- ^ а б в г https://dinamo-minsk.by/blr/asnouny-sklad/2025/ivan-bahar
- ^ а б https://dinamo-minsk.by/blr/asnouny-sklad/2022/bakhar-ivan
- ^ Бахар продлил контракт с «Минском»
- ^ Иван Бахар продлил контракт с "Минском"
- ^ Иван Бахар стал игроком минского "Динамо"
- ^ Иван Бахар сменил минское "Динамо" на израильский "Ирони" Кирьят-Шмона (рас.). football.by (2022-12-11). Праверана 2022-12-12 г.
- ^ Бахар снова стал игроком минского "Динамо" (рас.) Праверана 2023-07-10 г.
- ^ Не только Бахар. Тульский "Арсенал" представил двух новичков из минского "Динамо" (рас.)
- ^ Іван Бахар — футбаліст «бела-сініх» (рас.) Афіцыйны сайт ФК «Дынама».
- ^ Иван Бахар остается в столичном "Динамо" (рас.). Прессбол (2025-01-02). Праверана 2025-03-02 г.
Вонкавыя спасылкі
[рэдагаваць | рэдагаваць крыніцу]- Профіль на сайце «Менску» (рас.)
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball