Івана Бакера

Івана Бакера
Ivana Baquero Macias
Імя пры нараджэньні	Ivana Baquero
Дата нараджэньня	11 чэрвеня 1994 (31 год)
Месца нараджэньня	Барсэлёна, Гішпанія
Грамадзянства	Гішпанія
Месца вучобы	Амэрыканская школа Барсэлёны[d]
Занятак	кінаакторка
Гады дзейнасьці	ад 2004
Узнагароды	прэмія «Сатурн» (2007)
IMDb	1419440
Сайт	ivanabaquero.com (анг.)
Івана Бакера ў Вікісховішчы

Іва́на Баке́ра Масіяс (па-гішпанску: Ivana Baquero Macias) (11 чэрвеня 1994, Барсэлёна) — гішпанская кінаакторка. Выканала галоўную ролю ў фільме «Лябірынт Фаўна» (2006). За гэтую ролю Івана артымала пяць кінапрэмій, у тым ліку гішпанскую «Гоя» і прэмію «Сатурн» як найлепшай маладой акторцы. Івана Бакера выканала некалькі другарадных роляў у кіно да сваёй ролі ў «Лябірынце Фаўна». Самая вялікая роля была ў фільме «Хрупкасьць» (2005), дзе яна зьнялася разам з Калістай Флокхарт і Рычардам Роксбургам. Яна была выбраная з прыкладна 1000 дзяцей, якія праходзілі кастынг на ролю ў фільме «Лябірынт Фаўна». Дэль Тора сказаў, што калі ён убачыў яе кучаравыя валасы, ён зразумеў, што яна выдатна падыходзіць на гэтую ролю. Паводле першапачатковага сцэнару Афэліі павінна было быыь 8 гадоў, але сцэнар быў спэцыяльна перапісаны для Бакера, якой у той момант было 11 гадоў. У наступным фільме Бакера «Жонка анархіста» (анг. The Anarchist’s Wife, 2008) дзеяньне зноў адбываецца ў часы Грамадзянскай вайны ў Гішпаніі. Яна грае другарадную ролю Паломы, дзяўчынкі ва ўзросьце 15 гадоў.

Вонкавыя спасылкі

• Івана Бакера — сховішча мультымэдыйных матэрыялаў
• Івана Бакера (анг.) на сайце IMDb