Касьцёл Унебаўзяцьця Найсьвяцейшай Панны Марыі (Мёры)
Сакральнае збудаваньне | |
Касьцёл Унебаўзяцьця Найсьвяцейшай Панны Марыі
| |
Касьцёл Унебаўзяцьця Найсьв. Панны Мары
| |
Краіна | Беларусь |
Места | Мёры |
Каардынаты | 55°36′51.93″ пн. ш. 27°37′49.28″ у. д. / 55.614425° пн. ш. 27.6303556° у. д.Каардынаты: 55°36′51.93″ пн. ш. 27°37′49.28″ у. д. / 55.614425° пн. ш. 27.6303556° у. д. |
Канфэсія | Каталіцкая царква і каталіцтва |
Эпархія | Віцебская дыяцэзія |
Архітэктурны стыль | нэаготыка |
Дата заснаваньня | 1853 |
Статус | Дзяржаўны сьпіс гісторыка-культурных каштоўнасьцяў Рэспублікі Беларусь |
Касьцёл Унебаўзяцьця Найсьвяцейшай Панны Марыі | |
Касьцёл Унебаўзяцьця Найсьвяцейшай Панны Марыі на Вікісховішчы |
Касьцёл Унебаўзяцьця Найсьвяцейшай Панны Марыі — рымска-каталіцкае сакральнае збудаваньне ў Мёрах, узьведзенае ў 1907. Знаходзіцца на ўсходнім беразе Мёрскага возера ў паўднёвай частцы места. Аб’ект Дзяржаўнага сьпісу гістарычна-культурных каштоўнасьцяў Рэспублікі Беларусь.
Гісторыя
Паводле некаторых зьвестак, першы касьцёл у Мёрах зьявіўся яшчэ ў XVI ст. З 1728 у мястэчку дзейнічаеў кляштар канонікаў рэгулярных.
Па здушэньні вызвольнага паўстаньня (1830—1831) у 1832 расейскія ўлады ліквідавалі кляштар.
Новы касьцёл збудавалі ў 1907 з чырвонай цэглы на месцы драўлянай капліцы. Па Другой сусьветнай вайне ў 1951 сьвятыню прыстасавалі пад склад збожжа, але аддалі вернікам ужо ў 1956.
Архітэктура
Помнік архітэктуры нэаготыкі. 3-нэфавая 2-вежавая базыліка з 5-граннай алтарнай часткай, да якой з паўднёвага боку далучаецца закрысьція. Фасады будынка з высокім цокалем рытмічна падзяляюцца ступеньчатымі контрфорсамі і стральчатымі аконнымі праёмамі. Вось сымэтрыі галоўнага фасада падкрэсьліваецца ўходным парталам і акном-ружай. Завершаныя высокімі шпілямі 3-ярусныя вежы ўмацоўваюцца ступеньчатымі контрфорсамі, падзяляюцца вузкімі нішамі. Вежа-ліхтар завяршае цэнтральны шчыт.
Нэфы перакрываюцца стральчатымі скляпеньнямі. Абразы «Маці Божая Ружанцовая» і «Язэп зь дзіцем» (пачатак XIX ст.), «Маці Божая Чэнстахоўская» (1878), драўляная скульптура «Укрыжаваньне» (XIX ст.)[1].
Каля касьцёла помнік ненароджанаму дзіцяці (мастак А. Дранец).
Крыніцы
- ^ Кулагін А. Каталіцкія храмы на Беларусі. — Менск, 2001.
Літаратура
- Кулагін А. Каталіцкія храмы на Беларусі: Энцыкл. даведнік / А. Кулагін; маст. І. Бокі. — 2-е выд. — Менск: БелЭн, 2001. — 216 с.: іл. ISBN 985-11-0199-0.
Вонкавыя спасылкі
Касьцёл Унебаўзяцьця Найсьвяцейшай Панны Марыі (Мёры) — сховішча мультымэдыйных матэрыялаў
- Мёры — парафія Унебаўзяцьця Найсьвяцейшай Панны Марыі і Сьвятога Язафата Кунцэвіча, біскупа і мучаніка. Catholic.by. Праверана 22 ліпеня 2012 г.