Валеры Іваноў

Валеры Іваноў
Намесьнік прэм’ер-міністра Рэспублікі Беларусь
28 сьнежня 2010 — цяперашні час
Прэзыдэнт:	Аляксандар Лукашэнка
Прэм’ер-міністар:	Міхаіл Мясьніковіч
Асабістыя зьвесткі
Нарадзіўся:	1955 в. Папехінка Клімавіцкага раёну Магілёўскай вобласьці
Адукацыя:	БДУ (1992) Беларуская сельскагаспадарчая акадэмія (1983) Акадэмія кіраваньня пры прэзыдэнце Рэспублікі Беларусь (2006) Клімавіцкі дзяржаўны аграрны каледж[d] (1973)
Узнагароды:

Вале́ры Мікала́евіч Івано́ў (нарадзіўся ў 1955 годзе, в. Папехінка Клімавіцкага раёну Магілёўскай вобласьці) — беларускі дзяржаўны дзяяч, намесьнік прэм’ер-міністра Беларусі.

Жыцьцяпіс

У 1973 годзе скончыў Клімавіцкі саўгас-тэхнікум.

Працаваў галоўным заатэхнікам, старшынём калгасу «Кастрычнік», старшынём калгасаў імя Дзімітрава Круглянскага раёну, «Рассвет» імя К. П. Арлоўскага Кіраўскага раёну Магілёўскай вобласьці.

У 1983 годзе скончыў Беларускую сельскагаспадарчую акадэмію, у 1992 — Беларускі дзяржаўны ўнівэрсытэт, у 2006 — Акадэмію кіраваньня пры прэзыдэнце Беларусі.

1987—1997 — першы намесьнік старшыні Круглянскага райвыканкаму. 2002—2004 — старшыня Шклоўскага райвыканкаму.

Дэпутат Палаты прадстаўнікоў 2 і 3 скліканьняў, намесьнік старшыні ПП НС РБ 4 скліканьня (2008—2010).

25 траўня 2010 — 28 сьнежня 2010 — першы намесьнік старшыні Менскага аблвыканкаму.

З 28 сьнежня 2010 — намесьнік прэм’ер-міністра Беларусі.

Жанаты, мае двох дзяцей.

Узнагароды

Узнагароджаны ордэнам Пашаны, мэдалём «За працоўныя адзнакі», Ганаровай граматай Нацыянальнага сходу Рэспублікі Беларусь, Ганаровай граматай Парлямэнцкага сходу Саюзу Беларусі й Расеі.

Літаратура

• Валеры Іваноў назначаны намесьнікам прэм’ер-міністра Беларусі // «Звязда» №254 (26862) 29 сьнежня 2010

Вонкавыя спасылкі

• Старонка на праекце «Хто ёсьць хто ў Рэспубліцы Беларусь» (рас.)